प्रतापपुर ५ वसहियामा स्थानीय र सशस्त्र प्रहरीबीच झडप ।

सहबान अन्सारी

प्रतापपुर,जेष्ठ–२५
पश्चिमि नवलपरासीको प्रतापपुर ५ वसहियास्थित सीमामा स्थानीय र सशस्त्र प्रहरीबीच आज झडप भएको छ । झडपले उग्र रुप लिएपछि स्थिति नियन्त्रणमा लिन प्रहरीले चार राउण्ड हवाइ फायर गरेको थियो । स्थानिय एक महिलाले भारतबाट मल ल्याऊदै गर्दा सशस्त्र प्रहरीले रोक्न खोज्दा झडप भएको बताईएको छ । प्रहरीले रोकेर ती महिलालाई लठ्ठी समेत प्रहार गरेको स्थानीयले बताएकाछन् । महिलालाई लठ्ठी प्रहार गरेपछि आक्रोसित भएका स्थानियहरुको भिडले प्रहरी चेक पोष्टमा बसेका सशस्त्र प्रहरीमाथि आक्रमण गरेको प्रहरी जनाएको छ । सयौंको संख्यामा रहेका स्थानीयले आक्रमण गर्दा सशस्त्र प्रहरीका ५ जना जवानहरु गम्भीर घाइते भएको र भिड रोक्ने क्रममा स्थानीय ४ जना धाइते भएका छन् । आक्रोसित स्थानियलाई नियन्त्रण गर्न र प्रहरीले आत्मरक्षाको लागी हवाई फायर गरेको सशस्त्र प्रहरी उपरिक्षक भरथ खनियाले बताउनु भएको छ । घाइते भएका सशस्त्र प्रहरीलाई उपचारको लागी पृथ्वीचन्द्र अस्पताल परासी पठाइएको खनियाले बताउनु भयो ।