Sarawal sit lahar Notis

बिधार्थीलाई कविता लेख्न सिकाउदै बर्दघाट प्रज्ञा प्रतिष्ठान

0 205

कृष्ण ढकाल
बर्दघाट,असार–७
बर्दघाट प्रज्ञा प्रतिष्ठानले नगरमा सञ्चालन गरेको साहित्यिक, साङ्गीतिक तथा साँस्कृतिक घुम्तिी कार्यक्रमको सिकाईको उपलब्धीलाई आत्मसाथ गरी विद्यार्थीहरुलाई कविता लेख्न सिकाउन शुरु गरेको छ ।

प्रतिष्ठानले सञ्चालन गरेको साहित्यिक, साङ्गीतिक तथा साँस्कृतिक नबौ घुम्ती शिबिरबाट बिद्यार्थीहरुलाई रचनाहरु कोर्ने र गुनगुनाउने शैलिको विकास गर्न बिधार्थीहरुलाई साहित्यीक प्रशिक्षण शुरु गरीएको बर्दघाट प्रज्ञा प्रतिष्ठानका कुलपति डाक्टर घनश्याम न्यौपानेले बताउनु भएको छ ।
बर्दघाट ९ पञ्चनगरमा मा रहेको राजा महात्मा पुर्णभद्र माध्यमिक विद्यालयमा शुक्रवार भाषा साहित्य विभागका संयोजक हुमनाथ आर्चायको अध्यक्षता र सदस्य सचिव सरद पौडेलको सञ्चालनमा भएको नबौ घुम्ती कार्यक्रममा राजा माबि र ज्ञानज्योती माबिका शिक्षक तथा बिद्यार्धीहरुलाई कविता लेखनका आधारभुत कुराहरुका बारेमा प्रशिक्षीत गरीएको थियो ।

कुलपति डाक्टर घनश्याम न्यौपान परिश्रमीले विद्यार्थीलाई कविता लेखनको तरिका, कविताका प्रकार, कविताका तत्वहरु र कविताका कच्चा पदार्थका बिषयमा प्रशिक्षित गर्नु भएको थियो । डाक्टर न्यौपानेले कवितामा कला भनेको शरिर र भाव भनेको आत्मा भएको उल्लेख गर्दै कुनै पनि लेखेको कुरा कविता बन्नका लागि शब्द शब्दको चमत्कार पुर्ण कला हुनु पर्ने बताउनु भयो । ” कविता शब्दको कला हो । यसमा कबिले भन्न खोजेको कुरालाई कुन शब्दको चमत्कारबाट भन्नुहुन्छ भन्ने महत्त्वपूर्ण बिषय हुने न्यौपानेले जानकारी गराउनु भएको थियो ।

बर्दघाट प्रज्ञा प्रतिष्ठानको साहित्यिक, साङ्गीतिक तथा सास्कृतिक नबौ घुम्ती शिबिरका क्रममा विद्यार्थीलाई प्रशिक्षित गर्ने उद्देश्यले कविता लेखन कार्यक्रम राखिएको बताउदै प्रज्ञा मार्फत विद्यार्थीका प्रतिभा पहिचान र उनिहरुको क्षमता अभिबृदीमा काम गरीरहेको प्रज्ञाका भाषा, कला तथा साहित्य बिभाग संयोजक हुमनाथ आचार्यले बताउनु भयो ।

Leave A Reply

Your email address will not be published.