कृष्ण ढकाल
बर्दघाट,भदौं–१७
मेचीमहाकाली संयुक्त बुहारी आवाज नवलपरासीले बुधवार बर्दघाट नगरपालिका वर्डा नम्बर १४ मा बढीको प्रकोपमा परेका किशोरी तथा सुत्केरी महिलाहरुलाई स्वास्थ्य सामाग्री तथा राहत वितरण गरेको छ ।
बर्दघाट १४ को शुक्रवस्तीको सुनटांडीका ४ किशोरीहरुलाई स्वास्थ्य किट र अन्यलाई दाल चामाल लगाएतका राहत सामाग्री वितरण गरेको मेचीमहाकाली संयुक्त बुहारी आवाज नवलपरासीकी जिल्ला अध्यक्ष लक्ष्मी खरेलले जानकारी गराउनु भएके छ ।
जिल्ला अध्यक्ष खरेलको नेतृत्वमा गएको टोलीले १३ घरपरिवारका सदस्यहरुलाई खाद्यन र झुल वितरण गरेको थियो । त्यसैगरी किशोरी तथा सुत्केरी महिलाहरुलाई स्वास्थ्य सामाग्री समेत वितरण गरेको जिल्ला अध्यक्ष खरेलले जानकारी गराउनु भएको छ ।
