सरकारले सिपाई राखेर डर देखाएर मात्र वनको संरक्षण हुदैन ः पन्त

कृष्ण ढकाल
बर्दघाट,माघ–२४
उपभोक्ताहरु सचेत नहुदा सम्म सरकारले सिपाई राखेर डर देखाएर मात्र वनको संरक्षण हुन नसक्ने बर्दघाट–सरावल सव डिभिजन वन कार्यालय बर्दघाटका प्रमुख गिरीराज पन्तले बताउनु भएको छ । वन शक्ति सामुदायिक वन उपभोक्ता समुह बर्दघाट वडा नं. १० को आज भएको १२ औं वार्षिक साधारण सभा तथा ८ औं अधिवेशनको उद्घाटन गर्दे पन्तले सो कुरा बताउनु भएको हो ।
उहांले वनको संरक्षण गर्न वनको पहुचमा रहेका उपभोक्ताहरुलाई उनीहरुको चाहना र ईच्छा अनुरुप संरक्षणको जिम्मेवारी दिएमा वन अवश्य संरक्षण् हुने बताउनु भयो । पछिल्लो समय विषेशगरी पहाडतिरका खरवारी र घरवारीहरु पनि वनका रुपमा परीणत हुन थालेको स्मर गराउदै वनलाई पर्यापर्यटनसंग जोडेर उत्पादन मुलक किसिमले कार्य गर्नका लागि सामुदायिक वनहरुलाई आग्रह गर्नु भएको थियो ।
फरक प्रसंगमा उहांले सामुदायिक वन भनेको नेतृत्व उत्पादन गर्ने थलोका रुपमा रहेको भन्दै अव आउने नेतृत्वले पनि वन संरक्षण गर्दै दिगो वन ब्यवस्थापनमा लाग्ने आशा ब्यक्त गर्नु भएको थियो ।

सोही कार्यक्रममा बोल्दै सामुदायिक वन महासंघ नवलपरासीका अध्यक्ष कमल परियारले अब सामुदायिक वनहरुले आय आर्जन र सीपमुलक कार्यसंग जोडीएर आफ्नो कार्ययोजना बनाउन जरुरी रहेकोमा जोड दिनु भएको थियो । त्यसैगरी उहांले वन संरक्षण् र वृक्षारोपण गर्ने कार्यलाई पनि प्रभावकारी बनाउनु पर्नेमा जोड दिनु भयो ।

वन शक्ति सामुदायिक वन उपभोक्ता समुहका अध्यक्ष रामनारायण चौधरीको अध्यक्षता जमुना के.सी.को स्वागत र सचिव शारदा पोखरेलको संचालनमा भएको कार्यक्रममा चिसापानी सामुदायिक वनका अध्यक्ष होम बहादुर गुरुङ्ग, संसारकोट हरियाली सामुदायिक वनका अध्यक्ष कमल पराजुली लगाएतले आ–आफ्ना भनाईहरु राख्नु भएको थियो ।

कार्यक्रममा गरीव तथा विपन्न उपभोक्ता परिवारका १५ जना विद्यार्थीहरुलाई विद्यालयको पोशाक,तथा स्टेश्नरी समेत वितरण गरीएको थियो ।
बर्दघाट नगरपालिका वडा नं. १० र ११ सरावल गाउपालिका वडा नंम्वर ३ र पाल्हिनन्दन गाउंपालिका वडा नम्वर १ का उपभोक्ताहरुलाई सेवा प्रदान गर्ने गरी गठन भएको वन शक्ति सामुदायिक वन उपभोक्ता समुहमा ८ हजार ६ सय ६८ जना उपभोक्ताहरु आवद्ध रहेका छन् । जस्मा ४ हजार ६ सय ३४ जना महिला ,४ हजार ३४ जना पुरुष रहेको उक्त वन समुहको ४ सय ४ दशमलब ३३ हेक्टर वन क्ष्ँेत्रफल रहेको छ ।

संसारकोट हरियाली सामुदायिक वन र चिसापानी सामुदायिक वनको विचमा रहेको वन शक्ति सामुदायिक वन २०५४ सालमा वन हस्तान्त्रण भएपनि २०७० साल कार्तिक ९ गते विधिवत रुपमा दर्ता भएको थियो ।

वन शक्ति सामुदायिक वन उपभोक्ता समुहको अध्यक्षमा ईन्द्र बहादुर चौधरी

वन शक्ति सामुदायिक वन उपभोक्ता समुह बर्दघाट वडा नं. १० को आज भएको १२ औं वार्षिक साधारण सभा तथा ८ औं अधिवेशनबाट ईन्द्र चौधरी अध्यक्षमा निवार्चीत हुनु भएको छ । त्यसैगरी समुहको उपाध्यक्षमा नमकला चौधरी,सचिवमा शारदा पोखरेल र कोषाध्यक्षमा मुक्तिनाथ भुषाल निर्वाचीत हुनु भएको छ ।
त्यसैगरी समुहको सदस्यमा सृजना थापा,सृजना कोईराला,राम प्रसाद पाण्डे,सन्तोष गैरे,गंगा प्रसाद चौधरी,सोनु चौधरी धनकुमारी चौधरी लगाएत २४ सदस्य नयां कार्य समिति रहेको छ ।