परासी, १९ कात्तिक
रामग्राम जेसीज परासीले जेसीज कप फुटसल प्रतियोगिता शुरु गेको छ । आजवाट परासीमा शुरु भएको त्रिकोणात्मक जेसीज कप फुटसल प्रतियोगितामा रामग्राम जेसीजका पूर्व अध्यक्ष, पूर्व जेसीज सदस्य र वर्तमान पदाधिकारी बीच छुट्टा–छुट्टै प्रतिस्पर्धा हुने आयोेजकले जनाएको छ ।
तीन दिन सम्म सञ्चालन हुने उक्त प्रतियोगिताको आज एक कार्यक्रमका बीच उद्घाटन गरिएको छ । लिटिल एञ्जेल्स मावि परासीकी सञ्चालक एवं रामग्राम महिला जेसीजकी पूर्व अध्यक्ष प्रभिता गुरुवाचार्यको प्रमुख आतिथ्य तथा रामग्राम जेसीजका अध्यक्ष सन्दिप अग्रहरीको अध्यक्षतामा प्रतियोगिताको शुरुवात गरीएको थियो ।
कार्यक्रममा पूर्व अध्यक्ष धनपद यादव, महासचिव चन्द्रमणि चौधरी, कार्यकारी उपाध्यक्ष सदन पौडेल, कार्यक्रम संयोजक मोहन पौडेल लगायतले बोल्दै खेलकुद र फुटसलको महत्व तथा फाईदाबारे प्रकाश पार्नुभएको थियो ।
प््रातियोगितामा उत्कृष्ट हुने समूहलाई शिल्ड,मेडल र प्रमाणापत्र वितरण गरिने छ भने उत्कृष्ट गोलकर्ता, उत्कृष्ट खेलाडी, म्यान अफ दी म्याच लगायतलाई पनि पुरस्कार प्रदान गरिने रामग्राम जेसीजले जनाएको छ ।