सुस्ता, भदौ–५
नवलपरासीको त्रिवेणी क्षेत्र अर्थात पूर्वी नवलपरासी विनयी त्रिवेणी गाउँपालिका क्षेत्रमा समुदाय स्तरमा आज १८ जनामा थप कोरोना संक्रमीत देखिएको छ । छिमेकी गांउपालिका विनयी त्रिवेणी वडा नं ६ र ७ रानिनगर ,त्रिवेणी क्षेत्रका समुदाय स्तरमा गरिएको पिसिआर परिक्षणका क्रममा १८जनामा कोरोना संक्रमण देखिएको विनयी त्रिवेणी गाउँपालिकाका अध्यक्ष डम्बर बहादुर जिसीले जानकारी दिनु भएको छ ।
यता छिमेकी गांउपालिकाका वडाहरुमा कोरोना भाइरस पोजेटिभ देखिए पछि सुस्तावासीहरु थप सजग रहनका लागि सुस्ता गाऊपालिका अध्यक्ष राम प्रसाद पाण्डेले सुस्तावासीहरुलाई आग्रह गर्नु भएको छ ।
यो सँगै विनयी त्रिवेणी गाउँपालिकामा संक्रमितको संख्या ४६ जना पुगेको छ । ति मध्ये २२ जना भने निको भएर घर फर्किसकेका छन् ।
