कृष्ण ढकाल
बर्दघाट,जेष्ठ–२१
स्वास्थ्य तथा जनसंख्या मन्त्री हृदयेश त्रिपाठीले सुनवल नगरपालिकाले संचालन गरेको कोभिड–१९ अस्थायी अस्पतालको आज निरिक्षण गर्नु भएको छ ।
नवलपरासी जिल्लाका प्रमुख जिल्ला अधिकारी सहितको सरोकारवालाहरुको टोली मन्त्री त्रिपाठीसंगै सुनवल नगरपालिकाले संचालन गरेको कोभिड–१९ अस्थायी अस्पतालको अनुभगन तथा निरीक्षणमा गएको थियो ।
सो अवसरमा सुनवल नगरपालिकाका नगर प्रमुख भिम बहादुर थापा भरतले नगरले संचालन गरेको कोभिड–१९ अस्थायी अस्पतालका वारेमा मन्त्री त्रिपाठीलाई जानकारी गराउनु भएको थियो । उहांले चौविसै घण्टा निःशुल्क एम्बुलेन्स र चिकित्सक सहितको मेडिकल टिम नगरवासीको सेवामा तयार राखिएको समेत जानकारी गराउनु भएको सुनवल नगर उप–प्रमुख दधिराम अर्यालले जानकारी दिनु भएको छ ।
उहांले सुनवल नगरमा कोभिडको अवस्था र नगरपालिकाले गरेका प्रयासका वारेमा जानकारी गराउनु भएको नगर उप–प्रमुख अर्यालले जानकारी दिनु भएको छ ।
नवलपरासी पश्चिममा रहेका सातवटा स्थानिय तहहरुले संचालन गरेका कोभिड–१९,आईसोलेसनहरु मध्ये सुनवल नगरपालिकाले निर्माण गरेको आईसोलेसन जिल्लामा नै सर्बाेउत्कृष्ट रहेको निरीक्षणका क्रममा जानकारी गराईएको थियो ।
सुनवल नगरपालिकाले संचालन गरेको आइसोलेशनमा बिभिन्न सामाजिक तथा ब्यवसायिक संघ संस्थाहरुले निक्कै सहयोग गरेका छन् ।