कृष्ण ढकाल
बर्दघाट,मंसीर–९
नवलपरासीको बर्दघाट नगरपालिकाले खरीद गरेको दमकल आज नगरपालिकामा आएको छ । बर्दघाट नगरपालिकाको आ.व.२०७७÷०७८ को निति तथा कार्यक्रममा समावेश गरिए अनुसार दमकल खरीद गरीएको बर्दघाट नगरपालिकाका नगर प्रमुख धिरज शर्मा बस्यालले बताउनु भएको छ । नगरक्षेत्रमा हुने आग्लागी का घट्नाहरुमा हुने क्षेती कम गर्नका लागि दमकल खरीद गर्नु पर्ने आवश्यक रहेको भन्दै बर्दघाट नगरपालिकाले दकल खरीद गर्ने योजना आफ्नो निति तथा कार्यक्रामा समावेर गरेको थियो । दमकल खरीदका लागि करिव ६० लाख रुपैया बढी लागेको बताईएको छ ।
बर्दघाट नगरपालिकाले दमकल खरीद गरेसंगै अब नगर भित्र हुने आग्लागीका घट्नाहरु तत्कालै नियन्त्रणमा लिएर जनधनको क्षेति कम गर्न सकिने नगर प्रमुख बस्यालले बताउनु भएको छ । उहांले सो दमकलबाट बर्दघाटनगरमा मात्र नभै आसपासमा पालिकाहरुलाई समेत सहयोग पुग्ने बताउनु भयो । बर्दघाट नगरपालिकाले यस अघि नगरका चारवटा कलस्टरका लागि चार वटा एम्बुलेन्स र ट्रिपर तथा ट्याक्टर खरीद गरी सकेको छ भने नगर प्रमुखका लागि एउटा स्कार्फियो गाडी खरीद गरी सकेको छ ।