कृष्ण ढकाल
बर्दघाट,माघ–२६
पश्चिम नवलपरासीको बर्दघाट नगरपालिका वडा नं. ५ र १६को सिमानामा रहेको खजुरा खोलामा नदिजन्य पदार्थको चोरी निकासी दिन प्रतिदिन बढ्न थालेको छ । नगरपालिकाले खोला ठेक्कामा लगाउनका लागि टेन्डर आवाहान गरेर ठेक्का परे पनि टेन्डर प्रक्रियामा नै त्रुटी भएकाले उक्त ठेक्काको सम्झौता भएको थिएन । खोलाकोआईईई प्रतिबेदनमा बन क्षेत्र देखिएको कारण नगरपालिकाले ठेक्का रद्ध गरेको थियो।
यसरी खजुरी खोलाको ठेक्का नभएपछि अहिले दिन प्रतिदिन खेलाको नदीजन्यवस्तु चोरी निकासी हुने क्रम बढेर गएको छ । प्रहरी प्रशासन र स्थानीय तहलाई छलेर खेलाबाट नदीजन्य वस्तु चोरी निकासी गर्नेक्रम बढ्न थाले पछि बर्दघाट नगरपालिकाले चोरीकार्य नियन्त्रण गर्न चोरी गरेर डम्पिङ्ग गरी राखीएका नदीजन्य वस्तु नियन्त्रण गर्न र चोरीकार्यमा प्रयोग भैरहेका ढुवानीका साधनहरु नियन्त्रणमा निले र जरीवाना गर्ने कार्य शुरु गरेको छ ।
यहि माघ २५ र २६ अर्थात शुक्रबार र शनिबार मात्र, नगरपालिकाले अवैध रुपमा डम्प गरि राखिएका ९ ६ ट्याक्टर र २५ टिप्पर ढुङ्गा र जफत गरेको नगर प्रहरी प्रमुख पिताम्बर सापकोटाले जनाएका छन । ४ टिप मिस्कट समेत जफत गरिएको सापकोटाले जानकारी गराएका छन । नगरप्रहरीले अबैध रुपमा राखिएका नदीनज्य वस्तुहरु वडा नं. १६ को शित्तल वस्ती,सिमलटांडी,खजुरी खोला किनारको बगर लगाएतका स्थानहरुवाट जफत गरेको छ ।
यसरी नगर प्रहरीलाई खटाएर अवैध डम्पिङ्ग गरी राखीएका नदीजन्य वस्तु नियन्त्रण लिएर बर्दघाट–५,को स्वास्थ्य चौकी भएको कम्पाउण्ड र बर्दघाट–५,जितपुर माबिको कम्पाउण्ड भित्र जम्मा गर्ने काम भैरहेको बर्दघाट नगरप्रमुख शम्भुलाल श्रेष्ठले बताउनु भएको छ । जम्मा गरीको सबै वस्तुको स्टक प्रमाणीत गरेर टेण्डर गरीने नगरप्रमुख श्रेष्ठले बताउनु भयो ।
बर्दघाट नगर उप–प्रमुख तथा अनुगमन समितिका संयोजक रुद्रप्रकाश उपाध्यायले खजुरा खोलामा नदिजन्य पदार्थको चोरी निकासी रोक्नका लागि यसअघि पनि अवैध डम्पिङ जफत गर्दै आएको बताउनु भयो । जफत गरिएका नदिजन्य पदार्थको खरिद बिल र स्टक बिल नभएको कारण बैधता नभएपछि पटक पटक अबैध डम्पिङ गरेर राखेको वस्तु नियन्त्रणमा लिदा समेत चोरीकार्य नरोकीएकाले नगरपालिकाले निरन्तर रुपमा नगर प्रहरी खटाएको बताउनु भएको छ ।
बर्दघाट नगरको मुख्य नदीजन्य वस्तुको चोरी निकासी हुने खोला भनेकै खजुरी खोला हो भने त्यस पछि,वडा नं. २ को गगटेखोला,भुताहा खोला,चिसापानी खोला त्यसपछिका चोरी निकासी हुने खोलाहरुमा पर्ने गर्दछन । त्यसो त बेलाबेला स्थानिय बाटोघाटो मर्मत संहार भनेर सामुदायिक वनहरुसंग मिलेर स्थानिय चुरेक्षेत्रका साना तिना खहरे खोलाहरुबाट समेत ढुङगा,गिटि ,मिस्कट र बालुवा निकासी हुदै आएका छन ।
तर खजुरी खोलाबाट भने सदावहार रुपमा नै नदिजन्य वस्तु चोरी निकासी हुने गरेको छ ।