कृष्ण ढकाल
बर्दघाट,कार्तिक–५
बर्दघाट नगरपालिका वडा नं. २, चिसापानीमा रहेको दिब्य ज्योती मा.बि.मा नवगठीत बिद्यालय ब्यवस्थापन समितिको पदस्थापन कार्यक्रम सम्पन्न भएको छ । गत असोज १० गते भएको अभिभावक भेलाबाट निर्वाचीत तथा मनोनित प्रक्रियाबाट गठन भएको बिद्यालय ब्यवस्थापन समितिले आज अर्थात कार्तिक ५ गते पदस्थापन गरेको छ ।
दिनाबन्धु पाण्डेको नेतृत्वमा रहेको उक्त बिद्यालय ब्यवस्थापन समितिमा बलराम भण्डारी ,यम बहादुर थापा,बिमला पुन,गौमाया गर्वुजा पुन र जानकी पौड्याल रहनु भएको छ भने पदेन सदस्यका रुपमा वडाध्यक्ष गणेश बहादुर थापा क्ष्ँेत्री र शिक्षक प्रतिनिधिका रुपमा सरस्वती पोख्रेल रहनु भएको छ भने सदस्य सचिवका रुपमा प्र.अ. रमेश कुवंर रहनु भएको छ ।
पदस्थापन कार्यक्रममा बोल्दै नवगठीत बिद्यालय ब्यवस्थापन समितिका अध्यक्ष दिनाबन्धु पाण्डेले बिद्यालय राम्रो बनाउन आफु अघि बढीरहदा सबैको सहयोग आवश्यक रहको बताउनु भएको थियो । उहाँले बोलेर भन्दा पनि आफुले गरेर देखाउने प्रतिवद्धता समेत जाहेर गर्नु भएको थियो ।
त्यसैगरी पदेन सदस्य अर्थात बडा नं. २ का वडाध्यक्ष गणेश बहादुर थापा क्ष्ँेत्रीले पहिलो समितिले पनि सकेजती राम्रो गरेको र नयाँ समितिले अझबढी राम्रो गर्नेमा आफु विश्वस्त रहेको बताउनु भयोे । उहाले अध्यक्ष लगाएत सिंङ्गो टिमले विद्यालयलाई जती धेरै समय दियो उती राम्रो बन्ने भएकाले सक्दो समय विद्यालयलाई दिनका लागि आग्रह पनि गर्नु भएको थियो ।
नवगठीत बिद्यालय ब्यवस्थापन समितिका सदस्य बलराम भण्डारीले दिब्य ज्योती मा.बि.चिसापानीको ऐतिहासिक गहना रहेको बताउदै विद्यालयको पहिलो एस.एल.सी दिने ब्याजको आफु बिद्यार्थी समेत रहेको स्मरण गराउनु भएको थियो ।
त्यसैगरी गत असोज १० गते भएको अभिभावक भेलाले नै सर्बसहमतिबाट गठन गरेको रेल बहादुर बुढाको अध्यक्षतामा रहेको नौ सदस्य शिक्षक अभिभावक संघले पनि बिद्यालय ब्यवस्थापन समितिसगैं पदस्थापन गरी जिम्मेवारी लिएको छ ।
जस्को सदस्यहरुमा ज्ञान बहादुर वि.क.,बालाकृष्ण न्यौपाने,मनिषा अधिकारी,दिनु सुनार,मुना अर्याल( भण्डारी),शुसिला ढेगा,कौशिला कुमारी न्यौपाने र सविता न्यौपाने रहनु भएको छ ।