Palhinandan Notish sadabahar
Bidhuta Bitaran kendra Notice

निर्वाचन विरोधी कार्यक्रममा सहभागी वैद्य समूहका १० जना पक्राउ

Bardaghat krisi Notis
0 133

प्रकाश न्यौपाने
बर्दघाट,बैशाख–१०
निर्वाचन विरोधी कार्यक्रममा सहभागी भएका मोहन वैद्य समूहका १० जनालाई प्रहरीले सुनवल देखी पक्राउ गरेको छ। पश्चिम नवलपरासीको सुनवल बजारको चोकमा आयोजना गरिएको कोणसभाबाट शनिबार उनीहरु पक्राउ परेका हुन्।

पक्राउ पर्ने वैद्य नेतृत्वको नेकपा माओवादी क्रान्तिकारी का कार्यकर्ता रहेको प्रहरीले जनाएको छ। वैद्य समूहले स्थानीय तह निर्वाचनलाई बहिष्कार गर्ने निर्णय गरेको छ। कोणसभा उक्त समूहको लुम्बिनी प्रदेश समितिले आयोजना गरेको थियो।

पक्राउ पर्नेमा वैद्य समूहका केन्द्रीय पोलिटब्यूरो सदस्य धमेश्वर पोखरेल प्युठान, स्थानीय समिति सदस्य रामसिंह श्रीष बुटवल, मोहनलाल शर्मा, रामचन्द्र पोखरेल, पवित्रा बस्ती, रवि पुन छन्।

त्यसैगरी ऋषिराम विक, चन्द्रमान मानन्धर, यमबहादुर गुरुङ र रवि पाण्डे छन्। पक्राउ परेका रवि पाण्डे पत्रकार हुन्। उनी नेपाल पत्रकार महासंघ पश्चिम नवलपरासीका पूर्वकोषाध्यक्ष समेत हुन्। पाण्डेले आफू फोटो खिच्न गएको बखत पक्राउ परेको जनाएका छन्। प्रहरीले भने कार्यकर्ताको रुपमा कार्यक्रममा सहभागी भएकाले पक्राउ गरेको जनाएको छ। साँझ उनीहरुलाई रिहाई गरीएको छ ।

Ban ko notis
टिप्पणिहरु
Loading...