Jilla Ban Notis

चिसापानी सामुदायिक वन उपभोक्ता समुहद्धारा घर हस्तान्तरण।

0 33

कृष्ण ढकाल
बर्दघाट,माघ–१२
चिसापानी सामुदायिक वन उपभोक्ता समुहले बर्दघाट नगरपालिका वडा नम्वर–२ निवासी एकल महिला कमला थापा (सुनार)को घर निमार्ण गरेर आज एक कार्यक्रमका विच घर हस्तान्तरण गरेको छ ।
चिसापानी सामुदायिक वन उपभोक्ता समुहका अध्यक्ष होम बहादुर गुरुङ्गको अध्यक्षता र डिभिजन वन कार्यालय नवलपरासीका प्रमुख शंकर प्रसाद गुप्ताको प्रमुख आतिथ्यतामा उक्त घर हस्तान्तरण कार्यक्रम सम्पन्न् भएको थियो ।

सो अवसरमा बोल्दै डिभिजन वन कार्यालय नवलपरासीका प्रमुख शंकर प्रसाद गुप्ताले चिसापानी सामुदायिक वन उपभोक्ता समुहले गरीवहरुका लागि आवास निमार्ण गर्ने कार्य निकै प्रसंसनिय रहेको बताउनु भएको थियो । उहांले समाजका गरीव परिवारहरुको पहिचान गरेर आवास निर्माण गर्ने कार्यलाई निरन्तरता दिन आग्रह समेत गर्नु भएको थियो ।

घर हस्तान्तरण कार्यक्रममा बर्दघाट नगरपालिका वडा नम्वर २ का वडाध्यक्ष दया दर्लामी,वडासदस्य कृष्ण पाण्डे,साहयक वन अधिकृत गिरीराज पन्त,सामुदायिक वन महासंघ नवलपरासीका अध्यक्ष कमल परियार ,एकल महिला कमला थापा (सुनार) लगाएतले आ–आफ्नो भनाईहरु राख्नु भएको थियो ।

सामुदायिक वन समुहकी उपाध्यक्ष ईन्दु देवि चौधरीको स्वागत मन्तब्यवाट शुरु भएको कार्यक्रमको संचालन समुहका सचिव अनिल गुरुङ्गले गर्नु भएको थियो ।

सामुदायिक वनले ४ लाख ५१ हजार रुपैया खर्च गरेर २ कोठे जस्तापाताले छाएको घर एकल महिला कमला थापा (सुनार)को लागि निमार्ण गरेको हो । गत जेष्ठ १४ गते पानीसंगै आएको हावाहुरीले कमला थापा (सुनार)को घर उडाए पछि सुनारको परिवार नजिकैको सामाजिक भवनमा बस्दै आएका थिए ।

दुई साना छोरा र सासुआमा सहित बस्दै आएको झुपडि हावाहुरीले उडाईदिए पछि ३१ वार्षीय कमलाले घर बनाएर बस्न सक्ने अवस्था थिएन । त्यतिमात्र हैन उनका श्रीमान २०७७ साल फागुन १४ गते विदेशमा कामकै सिलसिलामा मृत्यु भएको थियो तर शव नेपाल ल्याउन समेत सकेकि थिईनन् ।

गाउँले दर्पण अनलाईनमा कमला सुनारको समाचार प्रकाशन÷प्रसारण गरेसंगै कमलाको परिवारलाई आर्थिक सहयोग जुट्ने देखि श्रीमानको शव ल्याउने कार्यमा समेत सहयोग प्राप्त भएको कमला सुनारले बताउनु भएको छ । कमलाका श्रीमानको शव विदेशवाट गत साउनमा ९ महिना पछि मात्र आएर काज क्रिया गरीएको थियो ।

Leave A Reply

Your email address will not be published.