रमेश भुसाल
सुनवल,चैत–२२
चौतारी बचत तथा ऋण सहकारी संस्था सुनवलले सुनवल नगरपालीकाको दैवी प्रकोप उद्धार विशेष कोषमा रु २१ हजार ५ सय ५ रुपौयाँ सहयोग रकम प्रदान गरेको छ । संचालक समितिको २ पटक र लेखा सुपरिक्षण समितिको १ पटकको सुविधा, कर्मचारीवाट एकमुष्ठ रु २ हजार ५ सय र संस्थाको कल्याणकारी कोष वाट रु ६ हजार ५ रूपैयाँ गरि उक्त रकम वरावारको चेक सुनवल नगरपालिकालाई हस्तान्तरण गरेको चौतारी वचत तथा ऋण सहकारी संस्थाले जानकारी दिएको छ ।
विश्वव्यापी रुपमा फैलिएको कोरोना भाइरस कोभिड १९ महामारीको रोकथामको लागी सरकारले लागु गरेको लकडाउनलाई सहयोग गरौं सवैले सावधानी अपनाउँ र विपन्न समुदायलाई समाजले जिम्मा लिउँ भन्दै सुनवल नगरपालिकाको दैवी प्रकोप उद्धार कोषमा आर्थिक सहयोग गरेको चौतारी वचत तथा ऋण सहकारी संस्थाका अध्यक्ष राजन कुमार आर्चायले जानकारी दिनुभयो । बचत तथा ऋण सहकारी संघ पश्चिम नवलपरासीका अध्यक्ष समेत रहेका आर्चायले विश्वभरी फैलिएको कोभिड १९ महामारीले आक्रान्त पारेको यस परिस्थीतीमा सवैले सावधानि आपनाउनुको विकल्प नभएको वताउनुभयो ।
