Palhinandan Jado

विश्व औलो दिवस–२०७८ मनाईयो,सुनवलमा तिन औलोका विरामी फेला

0 18

कृष्ण ढकाल
बर्दघाट,बैशाख१२

सन् २०२५ सम्म नेपाललाई औलोमुक्त राष्ट्रको रुपमा स्थापित गर्ने संकल्पका साथ सरोकारवाला निकाएहरु लागि परेको स्वास्थ्य कार्यालय नवलपरासीद्धारा आयोजित कार्यक्रममा बताईएको छ ।
विश्व औलो दिवस–२०७८ का अवसरमा आयोजित सरोकारवाला र संचारकर्मीसंगको अन्तरक्रिया कार्यक्रममा सो कुरा बताईएको हो । सन २०२२ सम्म स्थानिय औलो अन्त्य गर्ने र सन २०२५ सम्म नेपाललाई औलोमुक्त राष्ट्रको रुपमा स्थापित गर्ने उद्धेश्य सहित अभियानलाई तिव्रता दिईएको स्वास्थ्य कार्यालय परासीका मलेरिया निरिक्षक देवीलाल पौडेलले बताउनु भएको छ ।
उहांका अनुसार चालु हार्थिक वर्षमा नवलपरासी जिल्लामा तीन जना ब्यीक्तमा मलेरिया (ओैलो)का आयातीत अर्थात भारतवाट आएका बिरामी फेला परेका छन् । ति तिनै जना सुनवल नगरपालिकाको रहेको बताईएको छ ।


सुनवल नगरपालिकाको स्वास्थ्य शाखा प्रमुख चुडामणि नेपालले कार्यक्रममा जानकारी गराए अनुसार सुनवल– ४ बेलारीका दुई जनामा र सुनवल– ७ पाल्पा सिमेन्टमा कार्यरत एक जना मजदुरमा मलेरिया अर्थात औलोको रोग भेटिएको थियो। चालू आ.व.को हालसम्म गरिएको करिव ११ सय कीट परिक्षणको क्रममा उक्त ३ जना भारतवाट आएका ब्यीक्तमा औलोको रोग भेटिएको थियो ।
पृथ्वी चन्द्र अस्पताल परासीका निमित्त मेसु डा. मोहम्मद नुरुल होदाले मलेरिया एनोफोलिज जातको पोथी लामखुट्टेको टोकाइबाट हुने सरुवा रोग भएको बताउदै सबै सचेत र सजक हुन जरुरी रहेकोमा जोड दिनु भएको थियो ।

स्वास्थ्य कार्यालयका निमित्य प्रमुख कृष्ण पोखरेलको अध्यक्षता र प्रमुख जिल्ला अधिकारी धर्मेन्द्र मिश्रको प्रमुख आतिथ्यतामा भएको अन्तरक्रिया कार्यक्रमको संचालन जनक खनालले गर्नु भएको थियो ।

Leave A Reply

Your email address will not be published.