कृष्ण ढकाल
बर्दघाट,भदौं–२०
नेकपा एकिकृत समाजवादी निकट युवा संघ नेपालको महाकाली देखि मेची सम्मको जागरण अभियानको टोलीलाई आज नवलपरासीमा स्वागत तथा बिदाई गरेको छ ।
नेकपा एकिकृत समाजवादीका केन्द्रिय सदस्य एवं जिल्ला ईन्चार्ज बृहस्पति अधिकारी सहितको जिल्ला नेतृत्व पंक्तिले सुनवलमा स्वागतगर्दै बर्दघाट सम्म ल्याएर सम्मान पूर्वक विदाई गरेको थियो ।
जनताहरु माझ नेकपा एकिकृत समाजवादी पार्टीको प्रचार–प्रसार,पहिचान र युवा जागरणका लागि युवा संघ नेपालका अध्यक्ष नरेश शाहीको नेतृत्वमा ५२ जनाको टोलीले महाकाली देखि मेची सम्मको जागरण अभियानमा सहभागिता जनाएको जिल्ला ईन्चार्ज बृहस्पति अधिकारीले जानकारी दिनु भएको छ ।
पार्टीका पोलिट्ब्यूरो सदस्य तथा युवा ईन्चार्ज डिलु पन्थको कमाण्डमा रहेको उक्त अभियान टोली आज पाँचौं दिनमा नवलपरासी पार गरेको छ । आगामी २५ गते झापामा पुगेर पार्टीका शिर्षनेताहरुले सम्बोधन गर्ने गरी तयारी गरीएको उक्त अभियान विषेश त आगामि निर्वाचनमा जनतालाई जागरुक गर्न प्रचार–प्रसार,पहिचान कै लागि केन्द्रित रहेको बताईएको छ ।