रामप्रसाद पौडेल
परासी,असोज–२७
भेटेरिनरी अस्पताल तथा पशु विज्ञ केन्द्र,परासीको आयोजनामा प्राइभेट सेवा प्रदायक पशु चिकित्सक तथा प्राविधिकहरुसँग अभिमुखिकरण कार्यक्रम सम्पन्न भएको छ ।
केन्द्रको वार्षिक कार्यक्रम अन्र्तगर आयोजित अभिमुखिकरण कार्यक्रम नि. कार्यालय प्रमुख टुकराज न्यौपानेको अध्यक्षता र पशु पंक्षी तथा मत्स्य निर्देशनालय बुटवलका महानिर्देहक भास्कर पौडेलको प्रमुख आतिथ्यतामा सम्पन्न भएको थियो ।
भेटेरिनरी अस्पताल तथा पशु विज्ञ केन्द्र,परासीको सभाहलमा भएको उक्त कार्यक्रममा बोल्दै प्रमुख अतिथि पौडेलले जिल्लाका पशु चिकित्सक तथा प्राविधिकहरुको क्षमता अभिवृद्धि गर्न कार्यमा सक्दो पहलगर्ने र प्रदेशमा हुने तालिममा सहभागि गराउने प्रतिवद्धता जाहेर गर्नु भएको थियो ।
त्यसैगरी नि. कार्यालय प्रमुख टुकराज न्यौपानेले आ.ब. २०८३÷०८४ को बजेटमा हुलाकी सडक आसपासका क्षेत्रमा भैसीमा वंस सुधार कार्यक्रम रहेको बताउनु भएको थियो ।
नवलपरासी जिल्लाका सातवटै पालिकाका पशु चिकित्सक तथा प्राविधिकहरु सहभागि रहेको उक्त कार्यक्रममा पशुरोग अन्वयषण प्रयोग शाला परासीका प्रमुख भरत काफ्लेले पशुमा बाँझोपन,समस्या र समाधानका उपायका वारेमा प्रशिक्षण गर्नु भएको थियो ।
पशु बाँझोपनका सबै अवस्था स्थायी हुँदैनन् र उचित कारण पत्ता लगाएर उपचार गरेमा धेरै पशुमा प्रजनन क्षमता सुधार हुन सक्छ भन्दै काफ्लेले समयमै उचित उपचार गराउन लाग्नु पर्ने बताउनु भएको थियो ।
कार्यक्रमको सञ्चालन डा.विभुती सिंहले गर्नु भएको थियो ।