कृष्ण ढकाल
बर्दघाट,पौष–१२
सुर्य ज्योति युवा क्लबध्दारा आयोजित सुर्य ज्योति कप २०८२ को आजको खेलमा बर्दघाट वडा नं. १४ बिजयी भएको छ । वडा स्तरिय फुटबल प्रतियोगीताको १२औ दिनको चौथो क्वाटर फाईनल खेलमा बर्दघाट वडा नं. ४ लाई निर्धारित ६० मिनेटको खेलमा खेलको ५७ औ मिनेटमा गोलगरी बर्दघाट वडा नं.१४ बिजयी हुन सफल भएको छ ।
बर्दघाट वडा नं. १४ का खेलाडी जर्सी नं ७ का अरुण चौधरीले गोल गर्दै सुन्यका बिरुद्ध १ गोलको अन्तरले बिजयी भएको छ । पहिलो हाफमा बरावरीमा रोकिएको खेलमा दोश्रो हाफको २७ औ मिनेट अर्थात खेलको ५७ औ मिनेटमा बर्दघाट वडा नं.१४ का जर्सी नं ७ का खेलाडी अरुण चौधरीले गोल गर्दै आफ्नो टिमलाई १ गोल ले बिजयी गराएका थिए । पहिलो हाफमा बराबरीमा रोकिएको खेल दोश्रो हाफमा एका एक आक्रमक र रोमाञ्चक बनेको थियो ।
दर्शकको पुर्ण समर्थन पाउँदा पाउदै पनि बर्दघाट वडा नं. ४ ले आजको खेलमा गोल स्कोर निकाल्न नसक्दा खेलबाट बाहिरिन बाध्य भएको थियो । आजको खेलमा बर्दघाट वडा नं.१४ का खेलाडी जर्सी नं ७का अरुण चौधरी म्यान अफ दि म्याच घोषित भएका थिए । भने भोली हुने पहिलो सेमीफाईनल खेलमा आयोजक सुर्य ज्योति र बर्दघाट वडा नं. ५ पाल्डाडा बिच प्रस्प्रिद्र्या हुने आयोजकले जनाएको छ ।