कृष्ण ढकाल
बर्दघाट,भदौं–१५
जिल्लाका कुनै पनि सामुदायिक वनहरुले आफ्नो कानुनी प्रक्रिया पुर्याएर ल्याएका फाईलहरु आफ्नो टेबलमा आएको एक घण्टा भित्रमा सबै काम पुरागरेर पठाउने पश्चिम नवलपरासी जिल्लाका सिनियर डिभिजन वन अधिकृत राजु क्षेत्रीले प्रतिवधता जाहेर गर्नु भएको छ ।
सामुदायिक वन उपभोक्ता महासंघ जिल्ला समिति नवलपरासीको आयोजना र वन शक्ति सामुदायिक वन उपभोक्ता समूह बर्दघाट–१० को सह–आयोजनामा भएको सिनियर डिभिजन वन अधिकृत राजु क्षेत्रीको स्वागत कार्यक्रममा बोल्दै सिनियर डिभिजन वन अधिकृत क्षेत्रीले उक्त प्रतिवधता जाहेर गर्नु भएको हो ।
विषेश गरी सामुदायिक वन उपभोक्ता समूहहरुमा पार्दशीताको बढी आरोप लाग्ने गरेको भन्दै सबै वन समुहहरु पार्दशी भएर अघिबढ्न जरुरी रहेकोमा जोड दिनु भयो । कानुनी प्रक्रिया पुरा गरेर आएका कुनैपनि कामहरु समयमा नै सजिलैसँग पुरा गर्न सकिने भन्दै कानुनी प्रक्रिया पुरा नगरेका कुनै पनि कामहरु अघि नबढ्ने जानकारी गराउनु भएको थियो । उहाँले कानुनी प्रक्रिया पुगेर आएमा जिल्लाका सत–प्रतिशत वन समुहहरुका बार्षिक कार्य योजना पुरा गराउन आफु प्रतिवद्ध रहने समेत बताउनु भयो । समयमा साधारण सभा नगर्ने,हिसाव किताव पार्दशी नराख्ने,कार्ययोजना विना नै आफुखुशी काम गर्ने र कानुन मिचेर आफु अनुकुलका काम नगरे डिएफओ सरुवा गर्न तिर लाग्ने केहि ब्यीक्तहरुका कारण अरु सामुदायिक वन समुहहरुलाई समेत लाल्छाना लाग्ने गरेको अधिकृत क्षेत्रीको भनाइ रहेको थियो । नेपालको उजाड वनक्षेत्रलाई हरियाली बनाएर सामुदायिक वनकै कारण सामुदायिक वनको देश भनेर चिनाउने काम समुदायिब वनका अभियानताहरुले सृजना गरोको भन्दै अझ राम्रो बनाउन समुदायसंग मिलेर समयमा नै योजना बनाएर पार्दशी ढंगवाट कानुनी प्रक्रिया पुरागरी अघि बढ्न आग्रह गर्नु भएको थियो ।
सामुदायिक वन उपभोक्ता महासंघ जिल्ला समिति नवलपरासी अध्यक्ष सारदा पोखरेलको अध्यक्षता र सचिव खेमराज सापकोटाको सञ्चालनमा वन शक्ति सामुदायिक वन उपभोक्ता समूह बर्दघाट–१० को सभा हलमा भएको कार्यक्रममा बोल्दै सामुदायिक वन उपभोक्ता महासंघका केन्द्रिय सदस्य कमल परियारले जिल्लाका धनी र गरिव सबैखाले सामुदायिक वनलाई समान व्यवहार गर्न सिनियर डिभिजन वन अधिकृत राजु क्षेत्री समक्ष आग्रह गर्नु भएको थियो । उहाँले सालका गोलिया बेच्ने वन , कु–काठका दाउरा वेच्ने वन र वन मात्र संरक्षण गरेर वस्ने वनलाई डिभिजन वन कार्यालय नवलपरासीले हेर्ने दृष्टिकोण फरक भएको भन्दै अब देखि समान व्यवहार गर्न अनुरोध गर्नु भएको थियो ।
त्यसैगरी सामुदायिक वन उपभोक्ता महासंघ जिल्ला समिति नवलपरासी अध्यक्ष सारदा पोखरेलले जिल्लाका सामुदायिक वनहरुको वर्तमानअवस्था र ब्यवस्था सँगै उनीहरुको कानुनी तथा ब्यवहारीक समस्या र चुनौतीका वारेमा जानकारी गराउदै सबैखाले समस्याको समाधानका लागि जिल्लाका सिनियर डिभिजन वन अधिकृतले आफ्नो स्थानवाट समन्वयकारी भुमिका खेल्दिनका लागि अनुरोध गर्नु भएको थियो ।
सामुदायिक वन उपभोक्ता महासंघ जिल्ला समिति नवलपरासीकी कोषाध्यक्ष सुमित्रा भट्टराईको स्वागत मन्तब्यबाट शुरु भएको कार्यक्रममा सामुदायिक वन उपभोक्ता महासंघकी केन्द्रिय सदस्य टिचन गुरुङ,स्थानिय महासंघ सुनवल नगर अध्यक्ष कर्णबहादुर सेन,सुस्ताका अध्यक्ष मेघनाथ आचार्य , सव डिभिजन वन अधिकृतहरु र सामुदायिक वन समुहका पदाधिकारी तथा कर्मचारी लगाएतको उपस्थिती रहेको थियो ।