नवलपरासी
नेकपा क्रान्तिकारी माओवादी जिल्ला समिति पश्चिम नवलपरासीको बर्दघाटमा मंगलवार भएको बैठकले बिभिन्न जनसंगठन तथा जातीय मोर्चाहरुको नेतृत्व हेरफेर गरेको छ ।
बैठकले किसान, मजदुर,आदिवासी जनजाति र तमु मोर्चाको जिम्मेवारी हेरफेर गरेको जनवर्गीय संगठन तथा मोर्चाका ईञ्चार्ज समरले जानकारी गराउनुभयो ।
उहाँका अनुसार अखिल नेपाल किसान महासंघ ९क्रान्तिकारी० को जिल्ला संयोजकमा सुर्य सापकोटा , अखिल नेपाल क्रान्तिकारी ट्रेड युनियन महासंघका संयोजक ज्ञान बहादुर केसी,अखिल नेपाल आदिवासी जनजाति महासंघको संयोजकमा दुर्गा नारायण थारु, तमु मुक्ति मोर्चाका जिल्ला संयोजकमा कमल तमुलाई जिम्मेवारी दिइएको छ ।
त्यस्तै बैठकले जनजाति महासंघको भेला भाद्र ३ गते देशभक्त जनगणतान्त्रिक मोर्चाका भेला भाद्र ६ गते बर्दघाटमा गर्ने निर्णय भएको मोर्चाका जिल्ला संयोजक चुडामणी भण्डारीले जानकारी दिनुभयो ।
त्यस्तै नगर गाउँ वडा तथा सेल कमिटीको भेला तथा प्रशिक्षण गर्ने समेत निर्णय भएको भण्डारीले बताउनुभयो । बैठकले जिल्ला कमिटीमा बसन्त, साका,संर्घषलाई पदोन्नति गरेको उहाँले जानकारी दिनुभयो । त्यस्तै प्रतापुपुर र सुस्ता गाउँ कमिटीको जिम्मेवारी समेत हेरफेर गरिएको छ । जस अनुसार अनिललाई ईञ्चार्ज र कमललाई सेक्रेटरीको जिम्मेवारी दिइएको जनाइएको छ ।
सो अवसरमा पार्टीका केन्द्रीय सल्लाहकार तथा जिल्ला ईञ्चार्ज संकल्पले स्थानीय मुद्धाहरुको पहिचान तथा मिटर ब्याजबाट पीडितहरुको आन्दोलनलाई उठान गर्दै राष्ट्रियता जनतन्त्र र जनजिविकाको पक्षमा संर्घष उठान गर्न कार्यकर्ताहरुलाई निर्देशन दिनुभयो ।
बैठकमा आर्थिक हरहिसाव पारित गरिनुका साथै आर्थिक टीम समेत पुर्नगठन गरिएको जिल्ला सेक्रेटरी चोलाले बताउनुभयो । जिल्लाको पुर्ण बैठक अघि प्रदेशमा प्रतिनिधित्व गर्ने प्र्रदेश सदस्य तथा जिल्ला सचिवालयको समेत बैठक भएको थियो ।