कृष्ण ढकाल
बर्दघाट,पौष–२१
नेपाल रेडक्रस शोसाईटी बर्दघाट उपशाखाको छैठौं अधिवेशन तथा एघारौं वार्षिक साधारण सभा आज सम्पन्न् भएको छ । आज भएको छैठौं अधिवेशनले पुनः नारायण प्रसाद अधिकारीको नेतृत्वमा ११ सदस्य नयाँ कार्यसमिति सर्व सम्मत रुपमा चयन गर्दै सम्पन्न् भएको निर्वाचन समितिका संयोजक विनोद खनालले जानकारी दिनु भएको छ । बर्दघाट उपशाखाको सभापतिमा नारायण प्रसाद अधिकारी रहनु भएको छ भने उप–सभापतिमा देवी पौडेल, सचिवमा दीर्घ घिमिरे,कोषाध्यक्ष टीकाराम भण्डारी,उप–कोषाध्यक्षमा बुद्धिमाया अधिकारी र सह–सचिवमा धनन्जय पौडेल रहनु भएको छ ।
त्यसैगरी सदस्यहरुमा रामचन्द्र अधिकारी, डिल बहादुर अधिकारी, राधा ढकाल, लक्ष्मण भट्टराई र गणेश बहादुर क्षेत्री रहनु भएको नेपाल रेडक्रस शोसाईटी बर्दघाट उप–शाखा सभापति नारायण प्रसाद अधिकारीले बताउनु भएको छ ।
रेडक्रस उप–शाखाका सभापति नारायण अधिकारीको अध्यक्षता र बर्दघाट नगरपालिकाका नगर प्रमुख धीरज शर्मा बस्यालको प्रमुख आतिथ्यमा साधारण सभामा सम्पन्न् भएको थियो । सो अवसरमा बोल्दै नगर प्रमुख बस्यालले अब नगरकार्यपालिकाको बैठकले पास गरेमा नेपाल रेडक्रस शोसाईटी बर्दघाट उपशाखा र नेपाल रेडक्रस शोसाईटी बुद्धमंगल उपशाखालाई नगरले संचालन गरेका ४ वटा एम्बुलेन्स मध्येवाट एक÷एक वटा एम्बुलेन्स नगरपालिकाले हस्तान्त्रण गर्ने सोंचमा रहेको जानकारी गराउनु भएको थियो ।
त्यसैगरी नेपाल रेडक्रस शोसाईटी बर्दघाट उपशाखाको त्रिवेणी चोकको बसपार्कमा अधुरो भवन निर्माण सम्पन्न गर्नका लागि पनि सक्दो सहयोग गर्ने प्रतिवद्धता जाहेर गर्नु भएको थियो ।
कार्यक्रममा बर्दघाट नगरपालिकाकी उपप्रमुख मायादेवी पौडेल, समाज सेवी रुद्र प्रकाश उपाध्याय,बृहस्पति अधिकारी, डिबी अधिकारी,शहिद स्मृति सामुदायिक अस्पतालका अध्यक्ष निमानन्द न्यौपाने लगाएतले आ–प्रस्तुत गर्नु भएको थियो ।
कार्यक्रमको संचालन नेपाल रेडक्रस शोसाईटी बर्दघाट उपशाखा सचिव दीर्घप्रसाद घिमिरे गर्न भएको थियो भने कार्यक्रममा स्वागत मन्तब्य देवि पौडेलले गर्नु भएको थियो ।