कृष्ण ढकाल
बर्दघाट,असोज–२०
दिब्यज्योती बहुमुखी कयाम्पसमा अनेरास्ववियुले आयोजना गरेको कार्यक्रमलाई सम्बोधन गर्ने क्रममा बर्दघाट नगर प्रमुख धिरज शर्मा बस्यालले दिएको अभिब्यक्ति प्रति नेपाली कांन्ग्रेस बर्दघाट नगर र नेपाल विद्यार्थी संघ ईकाई समिति दिब्यज्योती बहुमुखी क्याम्पसले आपत्ति जनाएका छन् ।
नगरको जिम्मेवार ब्यक्तिले कार्यक्रममा बोल्दा अरुलाई आंच आउनेगरी भाषा प्रयोग गर्नु आपत्तिजनक भएको भन्दै नेपाली कांन्ग्रेस बर्दघाट नगर र नेपाल विद्यार्थी संघ ईकाई समिति दिब्यज्योती बहुमुखी क्याम्पसले आज छुट्टा÷छुट्टै विज्ञप्ती जारीगरेका छन् । नगर सभापति दामोदर जि.सी. र ईकाई समितिका का.ब. सभापति शशी बि.कद्धारा जारी दुबै विज्ञप्तीमा नगर प्रमुखले आफुले दिएको अभिब्यक्ति फिर्ता लिदै माफि माग्नुपर्ने माग गरीएको छ ।
त्यसैगरी नेविसंघका विद्यार्थीहरुले नगर प्रमुख बस्यालको अभिब्यीक्त विरुद्ध बर्दघाट नगरपालिकाको कार्यालय अगाडीको मुल गेटमा गएर प्लेकार्ड तथा संगठनको झण्डाहरु लिएर नगर प्रमुख बस्याल विरुद्ध नाराहरु लगाएका थिए । नेविसंघका दुई प्यानलका विद्यार्थीहरु दुई छुट्ट छुट्टै विज्ञप्ती जारी गरेका थिए ।
