पुर्व–पश्चिम राजमार्ग तत्काल सुचारु गर्न प्रति प्रतिनिधी सभा सदस्य छविलाल विश्वकर्माको आग्रह

देवदह,भदौ १५
पुर्व–पश्चिम राजमार्ग अवरुद्ध भएको एक हप्ता वितिसक्दा समेत सडक सुचारु हुन नसकेको प्रति प्रतिनिधी सभा सदस्य छविलाल विश्वकर्माले ध्यानाकर्षण भएको बताउनु भएको छ । देवदहको घोडाहा खोलाको पुल भासिएको लामो समय वित्दा समेत सरकारले सडक सुचारु गर्न नसक्नु लज्जाको विषय भएको उहाँले बताउनु भयो ।

भासिएको पुलको अवलोकन गर्दै नेकपा एमालेका स्थायी कमिटी सदस्य विश्वकर्माले सडकमा सवारी आवागमन ठप्प हुदा सर्वसाधारणको जनजीवन प्रभावित बनेको भन्दै त्यसलाई सरकारले तत्काल सहज बनाउनु पनमा जोड दिनु भयो ।

सडक डिभिजन कार्यालय वुटवलका प्राविधिक ईञ्जीनियरलाई समेत पुल अवलोकनमा सहभागी गराई उहाँले वैकल्पिक व्यवस्था गरि तत्काल यातायात सुचारु गराउन आग्रह गर्नु भएको थियो । यातायात सेवा ठप्प भएका कारण नागरिकलाई भएको असहजताको वारेमा ध्यान दिनु पर्नेमा जोड दिदै पुर्व मन्त्री विश्वकर्माले धेरै दिन सम्म यस्तै अवस्था रहे जनताको धैर्यताको वाँध टुटेर जान बताउनु भयो । उहाँले भन्नु भयो,जनतालाई सेवा र सुविधा दिनु राज्यको दायित्व हो तर यहाँ राज्यले जनतालाई सेवा र सुविधा होईन सास्ती मात्रै दिई रहेको छ ।

त्यसै गरी सोही अवसरमा वोल्दै नेकपा एमाले रुपन्देहीका ईञ्चार्ज दधिराम न्यौपानेले पुलको वैकल्पिक व्यवस्था गरेर आवागमनलाई सहज बनाउन समेत नसक्ने सरकारप्रति जनताको विश्वास नरहेको दावी गर्नु भयो । यतिका दिन वित्दा समेत सडक सुचारु गर्न नसक्नेहरुले देशको विकास गर्न सक्छन भन्ने कसरी विश्वास गर्न सकिन्छ रु उहाँले भन्नु भयो ।

सो अवसरमा सडक डिभिजिन कार्यालय ,वुटवलका ईञ्जीनियर अशोक पौडेलले वर्षात रोकिएको एक हप्तामा डाइभर्सन निर्माण गरि यातायात सुचारु गरिने प्रतिवद्धता व्यक्त गर्नु भयो । उहाँले भन्नु भयो,सडक ठेक्का भई सकेको अवस्थामा यसको जिम्मेवारी ठेकेदार कम्पनीको भएकोले ठेकेदारसँग यस विषयमा छलफल भएको ईन्जीनियर पौडलले जानकारी दिनु भयो ।
पौडेलले घोडाहा खोलामा डाईभर्सन निर्माण गर्ने र सुनवल स्थित तुरिया खोलामा वेलीव्रिज राख्ने तयारी भएको बताउनु भयो ।