पञ्चनगर बजार बिकास समिति,भुताहाद्धारा रक्तदान कार्यक्रम सम्पन्न ।

फूल कुमारी ढकाल
बर्दघाट,जेष्ठ–२९
बर्दघाट नगरपालिकामा रहेको पञ्चनगर बजार बिकास समिति,भुताहाको आयोजनामा आज रक्तदान कार्यक्रम सम्पन्न भएको छ। पञ्चनगर बजार बिकास समितिका अध्यक्ष रामजी चापागाईंको अध्यक्षता र नेपाल रेडक्रश सोसाईटी नवलपरासीका रक्त संचार संयोजक सुरज के।सी।को प्रमुख आतिथ्यतामा उक्त रक्तदान कार्यक्रम सम्पन्न् भएको थियो ।

आज अर्थात शनिवार विहान भएको रक्तदान कार्यक्रममा ३३ जनाले रक्तदान गरेको पञ्चनगर बजार बिकास समितिका अध्यक्ष रामजी चापागाईंले जानकारी गराउनु भएको छ । जस्मा ४ जना महिला र २ जना प्रहरी जवान रहेका छन् ।

नेपाल रेडक्रश सोसाईटी पञ्चनगर उपशाखाको समन्वयर पञ्चनगर स्वास्थ्य चौकीको प्राविधिक सहयोगमा रक्तदान कार्यक्रम सम्पन्न भएकोअध्यक्ष चापागाईले जानकारी गराउनु भएको छ ।
अहिले विभिन्न अस्पतालहरुमा ‘फ्रेस ब्लड’को अभाव रहेको र रगत अभावका कारण कोहि कसैले पनि ज्यान गुमाउन नपरोस् भनी रक्तदान कार्यक्रमको आयोजना गरिएको चापागाईंले बताउनु भयो ।