Bidhuta Bitaran kendra Notice
Bardaghat Nagarpalika

गण्डकी प्रदेशसभामा दुई सांसद हराउँदा विपक्षीमा हल्लीखल्ली

Susta Gaupalika
0 354

बैशाख–१५
मुख्मन्त्री पृथ्वीसुब्बा गुरुङविरुद्ध दर्ता भएको अविश्वासको प्रस्तावमा मतदान हुनुअघि भएको बैठकमा दुईजना सांसदहरु अनुपस्थित भएपछि विपक्षी दलमा हल्लीखल्ली मच्चियो । विपक्षीतर्फका दुई सांसदहरु अनुपस्थित देखेपछि सत्तापक्षमा भने सरकार जोगिने भयो भन्दै खुसीयाली देखियो ।

प्रदेशसभाको बैठक चलिरहँदा जनमोर्चाका सांसद खिमविक्रम शाही अनुपस्थित थिए । त्यसैगरी अर्का सांसद दीपक मनाङ्गे ९राजीव गुरुङ० पनि बैठकमा देखा परेनन् । शाहीले बिरामी भएको जनाउ दिएको र मोबाइल समेत अफ गरेको स्रोतले बतायो ।

बैठकमा जनमोर्चाका सांसद शाही नआएपछि कांग्रेस नेताहरुले राष्ट्रिय जनमोर्चाको केन्द्रीय कार्यालयमा फोन गरेर चासो राखेको बुझिएको छ ।

गण्डकी प्रदेशसभामा सभामुखसहित कुल ६० सांसद छन् । यीमध्ये कांग्रेसका १५ माओवादीका ११ र जसपाका २ समेत गरी २८ जनाले दर्ता गरेको अविश्वासको प्रस्ताव माथि केहीबेरमा मतदान हुँदैछ ।

अविश्वासको प्रस्ताव पारित हुन ३१ मत चाहिन्छ । तीन सांसद रहेको जनमोर्चाले अविश्वासको प्रस्तावको पक्षमा मतदान गर्ने निर्णय गरिसकेको छ । तर, तीनमध्ये खिमविक्रम शाहीले मतदान गरेनन् भने अविश्वासको प्रस्तावको पक्षमा ३० मत मात्रै पर्छ ।

अविश्वासको प्रस्तावको पक्षमा ३० मतमात्रै परेको अवस्थामा पक्ष विपक्षमा बराबरी हुन जान्छ र त्यस्तो अवस्थामा सभामुखले नेत्रनाथ अधिकारीले निर्णायक मत दिन पाउँछन्, जो माओवादीकै सांसद हुन् ।

यसैबीच जनमोर्चाका केन्द्रीय सचिव हिमलाल पुरीले भने अविश्वासको प्रस्तावको पक्षमा मतदान गर्ने पार्टीको निर्णय रहेको बताए । गण्डकीमा आफ्ना सांसदले ह्विप उल्लंघन नगर्ने उनले दाबीसमेत गरे । @ रातोपार्टी अनलाईन

palinandan
टिप्पणिहरु
Loading...