Sarawal sit lahar Notis

पत्रकारहरुका लागि क्षमता अभिबृद्धि तालिम संचालन

0 23

माधब प्रसाद घिमिरे
बर्दघाट,पौष–२२
नेपाल पत्रकार महासंघ पश्चिम नवलपरासीले जिल्लाका सम्पूर्ण पत्रकारहरुको क्षमता अभिबृद्धि गर्नका लागि क्षमता अभिबृद्धि सम्बन्धि तालिम संचालन गरेको छ ।
संघले एक कार्यक्रमका विच बुधवार क्षमता अभिबृद्धि तालीम को समुद्घाटन गरेको हो । सुनवल नगरपालिकाका नगर उप–प्रमुख दधिराम अर्यालको प्रमुख आतिथ्यता सो तालीमको समुद्घाटन गरीएको थियो ।
कार्यक्रममा वोल्दै प्रमुख अतिथि एवं नगर उप–प्रमुख दधिराम अर्यालले पत्रकारहरुले अब विट पत्रकारीता गर्न जरुरी रहेको धारण राख्नु भएको थियो । उहांले विट पत्रकारीता गरेमा विषयगत रुपमा पत्रकारहरुलाई चिन्न र सहकार्य गर्न पनि सहज हुने धारणा राख्नु भएको थियो । त्यसैगरी पत्रकारहरुसंग सुनवल नगरपालिका सदैब सहकार्य गरेको बताउदै आगामिदिनमा पनि सहकार्य गरेरै अघि बढ्ने प्रतिवघता समेत जाहेर गर्नु भएको थियो ।
समुद्घाटन कार्यक्रममा महासंघका जिल्ला सल्लाहकार गोपीराम ज्ञवाली लगाएतले आ आफ्ना धारणा राख्नु भएको थियो । शाखा अध्यक्ष हरि शर्माको अध्यक्षता र सचिव राजकुमार रेश्मीको संचालनमा कार्यक्रम सम्पन्न् भएको थियो ।
दुई दिन सम्म संचालन हुने क्षमता अभिबृद्धि तालीमको पहिलो दिन अर्थात बुधवारको सहजीकरणमा नेपाल पत्रकार महासंघ केन्द्रिय कमीटीका सचिव राम प्रसाद दहाल रहनु भएको थियो ।

Leave A Reply

Your email address will not be published.