Jilla Ban Notis

बर्दघाट बजार विकास समितिद्धारा क्वारेन्टाईन ब्यवस्थापनका लागि ५० थान झुल प्रदान, घरबहालमा बस्नेलाई छुट दिने क्रम बढदो।

0 31

लक्ष्मी घिमिरे
बर्दघाट ,चैत्र–१५

बर्दघाट बजार विकास समितिले क्वारेन्टाईन ब्यवस्थापनका लागि ५० थान झुल प्रदान गरेको छ । बर्दघाट नगरपालिकाले  कारोना भाइरस संक्रमणको आँशका गरिएकाहरुका लागि निर्माण गरेको क्वारेन्टाईनका लागि ५० थान झुल स्वास्थ्य शाखा प्रमुख माधव ज्ञवालीलाई हस्तान्तरण गरेको समितिका कोषाध्यक्ष तारा प्रसाद गौतमले जानकारी दिनुभयो ।

त्यस्तै यता


संकटका बेला घरबहालमा बस्नेलाई छुट दिने क्रम बढदो छ । कोरोना सक्रमण रोकथामका लागि सरकारले गरेको लकडाउनमा आर्थिक गतिबिधि ठप्प भएकै बेला घरबहालमा बस्नेहरुलाई घरधनीले मानवीय हिसावले छुट दिने घोषणा गर्ने क्रम बृद्धि भएको हो । सोही क्रममा बर्दघाट ४ दिब्यनगरस्थित गिता भट्टराईले आफ्ना घरमा बस्दै आएका ४ वटा परिवारलाई एक महिनाको छुट दिने घोषणा गर्नुभएको छ ।   सोहीघरमा बस्दैं आएकी शिक्षिका सरस्वती भट्टराईले संकटका बेला गरेको यो कदमले समाजलाई उदाहरण दिएको बताउनुभयो । त्यस्तै कोरोना भाईरसको संक्रमणको त्रासले आम नागरिकको दैनिकी अस्तब्यस्त बनेको भन्दै  बर्दघाट ४ का दयाराम लामिछानेले १ महिनाको घरभाडा नलिने घोषणा गर्नुभएको छ । उहाँले आफ्नो घरमा रहेका नवदुर्गा चश्मा एवं मोबाईल पसल, रामसुरत भाँडा पसल र एभरग्रिन क्याफेलाई १ महिनाको भाडा नलिने बताउनुभयो ।  घरधनीले भाडा नलिने भएपछि ब्याबसायीले आफ्नो पिर मर्का बुझेको र अफ्ठेरो परिस्थितिमा आफुहरुलाई सहयोग गरेकोमा घरधनी लामिछाने परिवारप्रति आभार प्रकट गरेका छन् ।

            यसअघि बर्दघाट नगरपालिका वडा नम्बर ७ का वडाध्यक्ष धु्रव थारु, उद्योग बाणिज्य संघ नवलपरासीका उपाध्यक्ष नगेन्द्र अग्रहरी, जिमिरेभार ब्यापार संघका अध्यक्ष चिरञ्जीवी सुवेदी, जिमिरेभारका प्रकाश श्रेष्ठले घरघाडा लिएर ब्यापार ब्यबसाय गर्ने र भाडामा बस्नेहरुसंग घरभाडा नलिने घोषणा गर्नुभएको थियो ।
उता नवलपुरको पनि घरबहाल छुट गर्नेहरुको संख्या बृद्धि हुदै गएको छ कावासोती नगरपालिका वडा नम्बर ६ का वडाध्यक्ष हेमु प्रसाद पाण्डेले पनि एक महिनाको घरघाडा नलिने घोषणा गर्नुभएको थियो ।

 

Leave A Reply

Your email address will not be published.