उमेश बि.क
सरावल ,२३ चैत
नवलपरासीको सरावल गाउँपालिकाद्वारा साताैँ वडाका सम्पूर्ण टाेलमा व्याकटेरियाबाट हुने विभिन्न रोगबाट बच्नका लागि औषधी छर्ने कार्य शनिबारबाट शुरु भएको छ । सरावल गाउँपालिकाका सम्पुर्ण वडालाई सुरक्षित बनाउन टोल बस्तीमा रहेका नाला तथा फोहर हुने ठाँउमा औषधी छरिएको हो । गाउँ गाउँमा सरसफाई गराई गाउँपालिका भित्र व्यकटेरिया र लामखुट्टे बाट हुने विभिन्न रोगको नियंत्रणका लागि औषधी छर्ने काम सुरु गरिएको उँपालिका अध्यक्ष राधेश्याम चाैधरीले बताउनुभएको हो । तराईमा लामखुट्टेको प्रकोपको कारण डेंगु लगायतको रोगको उस्तै जोखिम रहेको छ । यस्तो जोखिमबाट जोगिन गाउँपालिकाबाट क्लोरिन, ब्लिचिंग पाउडर, फिनायल लगायतको मिश्रणलाई छरिदै छ । गाउँपालिका क्षेत्र भित्र व्यकटेरिया र लामखुट्टे बाट हुने विभिन्न रोग जस्तै ज्वरो आउनु, रुघा खोकी लाग्नु, पनेउमोनीय,सिफलिस,डेंगू, चिकनगोनिया,फाइलेरिया, टाइफाइड जस्ता रोगलाई नियन्त्रण गर्नका लागि गाउँटाेलमा किटनाशक औषधी छर्ने कार्य सुरु गरेको गाउँपालिका उपाध्यक्ष उत्तमा रायले जानकारी दिनुभएको छ ।
खानै समस्या छ भने बालपुरी रेडक्रस उपशाखामा खबर गर्नुहोस् .
सरावल गाउँपालिकाे र नेपाल रेडक्रस साेसाइटी बालपुरीशाखा अहिले मुख्य ध्यान भनेकै कोरोना भाइरस फैलन नदिनेमा छ। सरावलमा क्वारेन्टाइन बनाइसकिएको छ। स्थानीय सरकारसँग भएका सबै स्रोत, साधन यसमै केन्द्रित गरेका छौँ। भुजहवा नाकामा ‘हेल्थ डेस्क’द्वारा स्वास्थ्य जाँचको व्यवस्था गरिएको छ। उच्च ज्वरो देखिने र कोरोना सम्बन्धी लक्षण देखिएकालाई क्वारेन्टाइनमा राखेका छौँ। जनप्रतिनिधि, कर्मचारी, उद्योगी, व्यवसायी एवं इच्छुक व्यक्ति तथा संघसंस्थाहरूलाई पनि उक्त काेराेना कोष वृद्धिको लागि सहयोग गर्न अपिल गर्दछौँ।
बालपुरी शाखाका अध्यक्ष अग्रहरीले भन्नुहुन्छ कोरोना नियन्त्रणको एक मात्रै उपाय सतर्कता हो। आफ्नो सुरक्षाका लागि आफैंले ध्यान दिनुपर्ने बेला भएकाले लकडाउनमा घरभित्र नै बस्नुहोला। धेरै व्यक्तिको सम्पर्क र भिडभाडमा नजानुस्। अलग-अलग, एक्ला-एक्लै बस्नु सबैभन्दा राम्रो हो। भेटघाट बन्द गर्नुस्। यसको कुनै त्यस्तो औषधी उपचार नभएको हुनाले सचेत हुनु नै बेस हुन्छ। केही अप्ठ्यारो समस्या भए स्थानीय सरकार र रेडक्रस बालपुरी शाखालाई सम्पर्कमा आउनुस्। नआत्तिइ उच्च मनोबलका साथ बस्नुहोला। यो अप्ठ्यारो परिस्थतिमा हामी तपाईंको साथमा छौँ। यदि, विदेशबाट आउनुभएको छ भने तत्काल स्थानीय सरकारको सम्पर्कमा आउनुस्। आफ्नो परिवार र समाज सबैको हितको लागि केही दिन क्वारेन्टाइमा बसिदिनुस्।