Jado Notish Bardaghat

नवलपरासी जिल्लाका संभावित बाढीडुवान क्षेत्रहरु

0 26

कृष्ण ढकाल
बर्दघाट,असार–१
वर्षायाम शुरु भएसंगै पश्पिम नवलपरासी जिल्लाका सातवटै पालिकाहरुका केहि स्थानहरुमा बाढीको डुबानहुने समस्या विगतमा झै यस वर्ष पनि कायम नै रहने संभावना रहेको छ ।
सरावल र पाल्हिन्नदन गाउँपालिकाका केहि स्थानहरुमा त आज परेको सामान्य पानीले पनि डुवान भएको छ।

पश्चिम नवलपरासी जिल्लामा सबै भन्दा बढी सरावल गाउापालिकामा डुबानको समस्या रहेको छ । सरावलको वडा नम्वर ५ को धनगढवा ,वडा नम्वर ६ का १४ वटै टोल र वडा नम्वर ७ को अधिकासं स्थानमा बाढीडुबानको समस्या रहेको सरावल गाउँपालिकाका प्रमुख प्रसाशकिय अधिकृत बुद्ध प्रकास पौंडेलले बताउनु भएको छ ।

प्रमुख प्रसाशकिय अधिकृत पौंडेलका अनुसार सरावल गाउँपालिकाले यो वर्ष सरावलको ३ वटा स्थानमा टट्बन्धनको काम गरेको छ । तराई मद्येश समृद्धि परियोजना वाट २५ लाखको लागतमा टट्बन्धनको काम भैरहेको पौडेलले बताउनु भएको छ ।
त्यसैगरी जिल्ला विपत ब्यवस्थापन समितिको निर्णय अनुसार पाल्हिनन्दन गाउँपालिका र सरावल गाउँपालिका मिलेर धनेवाखोला र झरही खोलालाई सफाई गर्ने तयारी गरीएको पौडेलले जानकारी दिनु भयो ।

उता बाढीडुबानको संभावना रहेको पाल्हिनन्दन गाउापालिकाको वडा नम्वर १ को शंकरपुर,सुनरी,बड्की सुनरी वडा नम्वर ३ को बेलासपुर,प्रर्सीया,ललीतपुर,झोलनीपुर वडा नम्वर ६ को चनहीर रगरगंज लगाएतका क्ष्ँेत्रहरु बाढीडुबानको जोखिममा रहेको पाल्हिनन्दन गाउापालिकाका अध्यक्ष बैजु प्रसाद गुप्ता ( दिपक )ले बताउनु भएको छ ।

यता रामग्राम नगरपालिकाको वडा नम्वर १ को दक्षिण तीरको वस्ती र वडा नम्वर १६ को अमहवा क्षेत्रको वस्तीमा बाढीडुबानको संभावना रहेको रामग्राम नगरपालिकाका नगर प्रमुख नरेन्द्र कुमार गुप्ताले बताउनु भएको छ । त्यसैगरी भलुहिको १३ नम्वर वडाको झरहीखोला,वडा नम्वर १२ को केहि स्थान र तुरीया,पजरकट्टी लगाएतका स्थानमा कटानको समस्या रहेको बताउनु भएको छ ।

त्यसैगरी बर्दघाट नगरपालिकामा वडा नंं. २ को चिसापानी क्ष्ँेत्र,वडानम्वर ३ को लगुना क्ष्ँेत्र,४ को बाढीपिडित क्ष्ँेत्र,५ को बण्डाखोला क्षेत्र,६ को वेताहानी क्ष्ँेत्र,१० को लण्डनवृज क्ष्ँेत्र ,१३ को धनेवा क्ष्ँेत्र र १५ को तेलाहा,बुटाहा क्षेत्रमा बाढीडुबानको संभावना रहेको नगर प्रमुख धिरज शर्मा बस्यालले बताउनु भएको छ ।

उता सुस्ता गाउँपालिकाको वडा नम्वर १ र २ को बरुवा देखि सिंगाहा लक्ष्मीपुर,महलवारी र वडा नम्वर ५ को नारायणी पारी रहेको सुस्ता वस्तीमा नारायणी नदीवाट बाढीपस्ने संभावना रहेको सुस्ता गाउपालिकाका अध्यक्ष राम प्रसाद पाण्डेले बताउनु भएको छ ।

यता सुनवल नगरपालिकाको वडा नम्वर १ को सुभम नगर,सोमनाथ खोला आसपासक्षेत्र,वडा नम्वर २ को सोमनाथ खोलाको तल्लो टोला आसपासको क्षेत्र ,४ को तुरीया खोला आसपासको क्षेत्र,१० को गैडाखाल र खखरीवारी,हसनापुर लगाएको क्षेत्र १२ को नविनटोला पानभार खोला आसपास र १३ को बडेराखेला आसपास क्षेत्रमा बाढीडुवानको समस्या रहेको सुनवल नगरपालिकाको विपत ब्यवस्थापन समितिका खेमराज अवस्थीले जानकारी दिनु भएको छ ।

त्यसैगरी प्रतापपुर गाउँपालिको वडा नम्वर ३ को ननपुर,वडानम्वर ६ को खेतीयोग्य जमीनक्षेत्र र वडा नम्वर ८ को बालुवा टोल र छड्कीटोला सबै बाढीडुबानको संभावित क्षेत्रकारुपमा रहेको प्रतापपुर गाउपालिकाकी कार्यवहाक अध्यक्ष अञ्जु कुमारी चौधरीले बताउनु भएको छ।

Leave A Reply

Your email address will not be published.