भाद्र–३
आज भाद्र कृष्ण औँसी अर्थात कुशे औँशी पर्व तथा पितृ कार्यमा प्रयोग गरिने पवित्र कुश घर(घरमा भित्राउने दिन । आजका दिन घर घरमा राखिएको कुश वर्षभर हुने देवकार्य एवं पितृकार्यमा प्रयोग गरिन्छ । सनातन धर्मावलम्बीले कुश, तुलसी, पीपल र शालिग्रामलाई भगवान् विष्णुको प्रतीक मान्दछन् । सृष्टिकर्ता ब्रह्माजीले विवेकशील प्राणीसँगै पवित्र कुश पनि उत्पन्न गर्नुभएको धार्मिक विश्वास छ ।
आज छोराछोरीहरू परम्पराअनुसार आ(आफ्ना बाबुलाई मन पर्ने मिठाइ तथा भोजन खुवाइ आदर सम्मान प्रकट गर्ने र बाबुको मुख हेर्ने गर्दछन् । बाबु नहुनेहरू विभिन्न पवित्र स्थानमा गई आफ्ना बाबुको नाममा तर्पण, पिण्डदान तथा श्राद्ध गरी सिदा दिन्छन् । तर पछिल्लो समयमा भने सबैले आफ्ना बाबाहरुको फोटो सामाजिक संजालमा पोष्टगरेर बाबालाई सम्झनेहरुको निक्कै प्रचलन आएको छ ।
