कृष्ण ढकाल
बर्दघाट,जेष्ठ–१५
विशव वातावरण दिवसको अवसर तथा बर्दघाट चुरे उद्यानको प्रथम वार्षिकोत्सवको अवसरमा पर्यावरण विज्ञका कुरा सुन्ने कार्यक्रम सम्पन्न भएको छ । बर्दघाट चुरे उद्यानमा भएको उक्त कार्यक्रममा अध्यता तथा पर्यावरण विज्ञ युवारज कंडेलले चुरेको महत्व,वन तथा पर्यावरण,जैविक विविधता,जलवायु ,फोहरमैला ब्यवस्थापन र समुदायको दायित्वका विषयमा जानकारी गराउनु भएको थियो ।
सामुदायिक र संस्थागत विद्यालयका बिद्यार्थीहरु सहित बिभिन्न सामाजिक संघ संस्थाका ब्यक्तिहरुको समेत उल्लेखनिय सहभागिता रहेको उक्त कार्यक्रममा बर्दघाट चुरे उद्यानको महत्व र उद्धेश्यका वारेमा चुरेका अभियान्ता राजेन्द्र सुनारले जानकारी गराउनु भएको थियो ।
बर्दघाट चुरे उद्यानका मुख्य अभियान्ता राम प्रसाद पौडेलको अध्यक्षता र चुरे अभियात्ना शोभकान्त कोइराला (शिव)को सञ्चाल रहेको कार्यक्रममा सामाजिक ब्यक्तित्व रविन्द्र विक्रम हमाल र डेविजका विद्यार्थीको मन्तब्य तथा चुरे अभियान्ता सुशिला देवकोटाको स्वागत मन्तब्य रहेको थियो ।
कार्यक्रममा बर्दघाट नगरपालिका वडा नं. ४का वडाध्यक्ष वेदविना तिवारी लगाएत वडासदस्यहरुको उपस्थिती रहेको उक्त कार्यक्रममा पारिजात सामुदाियक वन,बर्दघाट खानेपानी तथा सरसफाई उपभोक्ता संस्था,उद्योग ब्यापार संघ बर्दघाट,बर्दघाट प्रेस क्लबका पत्रकारहरु,डेविज स्कुलका १ सय ९० जना,विज्डम का ९ जना ,ग्लोरियसका ३० जना,न्यूलाईफका ४४ जना,दाउन्ने देवि मा.बि का २० र ग्रामिण वाल्मिकी साकोसको कार्य समितिको टिम लगाएत बिभिन्न सामाजिक संघ संस्था,ब्यापार ब्यवसायकका ब्यक्तिहरु र नागरीक समाजका ब्यक्तिहरुको समेत उल्लेखनिय सहिभागिता रहेको थियो ।