बर्दघाट,चैत्र–९
बर्दघाट नगरपालिकाको मुल गेटलाई रातीको समयमा शौचालयको रुपमा प्रयोगगर्दा समेत नगरपालिका मौन बसेको छ । रातीको समयमा प्रायजसो दैनिक रुपमा बर्दघाट नगरपालिकाको मुल गेटमा खुल्ला रुपमा पिसाब गर्ने गरेको स्थानियवासीहरुको भनाई रहेको छ ।
मदिरा सेवन गरेर राती अबेर सम्म अनावश्यक रुपमा हो–हल्ला गरेर सुत्न नदिने र घरवाहिर जथाभावि पिसाव गर्ने गरेको भन्दै बर्दघाट नगरपालिकामा पटक–पटक जानकारी गराउदा पनि कुनै सुनुवाई नभएको स्थानियवासीहरुले गुनासो गरेका छन् ।
नगरपालिकाको मुलगेटमा रातीको समयमा शौंच नगर्न र नगराउन सरोकारवाला ब्यक्ति तथा ब्यवसायिलाई पटक–पटक आग्रह गर्दा समेत नमाने पछि नगरपालिकामा जानकारी गराउदा नगरपालिका मौन रहेको उनीहरुको गुनासो रहेको छ ।
नगरपालिकाको मुल गेटलाई नै खुल्ला पिसाब गर्ने स्थलका रुपमा प्रयोग गरेको सह प्रमाण जानकारी गराउदा समेत कुनै सुनुवाई नभए पछि स्थानियवासीहरुले वडाकार्यालसंग गुहार माग्न पुगेको बताएका छन् ।
यसरी वडा कार्यालय देखि नगरपालिका सम्म पुग्दापनि अझै समस्याको समाधान नभएको उनीहरुको गुनासो रहेको छ ।