गौरीशकर जयसवाल
परासी ३ भदौ
पश्चिम नवलपरासीको सुस्ता गाउँपालिका वडा नं. ३ को फेनहरा मा रहेको पशुपति शिक्षा मन्दिर बिद्यालयको भवन निमार्ण कार्य सुरू भएको छ । कम्युनिटी ईम्प्याक्ट नेपाल संस्था काठमाडौको सहयोगमा पशुपति शिक्षा मन्दिर बिद्यालयको भवन निमार्ण कार्य सुरू भएको हो ।
बिद्यालयमा निमार्ण हुन लागेको नयाँ भवनको सुस्ता गाउँपालिका अध्यक्ष रामप्रसाद पाण्डे र कम्युनिटी ईम्प्याक्ट नेपाल संस्था अध्यक्ष राजेश चौधरीले सयुक्त रूपमा शिलान्यास गरेका छन ।
शिलान्यास गदै गाउँपालिका अध्यक्ष पाण्डेले बिद्यालयको बाँकी काम गाउँपालिकाले गर्ने बताउदै गाउँपालिकाको लगानिमा बिद्यालय परिसरको अगाडि माटोको फिलिड्ग र तारबार लगाउने जानकारी गराएका थिए ।
उनले अब बिद्यालयलाई भौतिक पूर्वाधार निमार्ण गरेर गुणस्तरीय शिक्षा प्रदान गर्ने बताए ।
२०७४ सालमा बिद्यालय नजिक रहेको खोलामा आएको बाढि बिद्यालयमा पसेर भवनको कक्षाकोठामा क्षेति पुराएसंगै विद्यालय जिर्ण बनेको थियो । बाढी पसेसंगै विद्यालय भवनको अभाव देखेर कम्युनिटी ईम्प्याक्ट नेपाल संस्था काठमाडौका अध्यक्ष राजेश चौधरीको पहलमा उक्त बिद्यालयको भवन निमार्ण हुन लागेको बिद्यालयका प्रचार्य रामप्यारे प्रजापतिले बताएका छन् ।
स्थानीय सरकार र संघिय सरकारको कुनै पनि सम्बन्धि निकायको उक्त बिद्यालय तर्फ कसैको ध्यान नगएको र सहयोग पनि नगरेकोले कम्युनिटी ईपेक्ट नेपाल संस्था काठमाडौको लगानीमा बिद्यालयको भवन निमार्ण गर्न लागिएको कम्युनिटी ईम्प्याक्ट नेपाल संस्था काठमाडौका अध्यक्ष राजेश चौधरीले जानकारी दिए
।
उनको अनुसार कम्युनिटी ईपेक्ट नेपाल संस्था काठमाडौ र रोटरी टाउनको समेत सहकार्य गरि ६० लाख सहयोगमा भवन निमार्ण गर्न लागिएको बताए । जिर्ण अवस्थामा रहेको बिद्यालयमा सुबिधा सम्पन्न ७ वटा कोठा र ३ वटा सुबिधा सम्पन्न शौचालय निर्माण हुने छ ।
उक्त बिद्यालय २०६२ सालमा स्थापन भएको थियो । बिद्यालयको क्षेत्रफल १४ कठ्ठा रहेको छ । बिद्यालयमा कक्षा १देखि ५ कक्षासम्म पढाइ हुँदै आएको र १५० बिधार्थी रहेको जसमध्ये कोरानाको कारण र भवन जिर्ण भएपछि बिधार्थीको सख्या केही कम भएको बिद्यालय व्यवस्थापन समितिका अध्यक्ष प्रेमचन्द्र चौधरीले जानकारी दिए ।