Jado Notish Bardaghat

बर्दघाट नगरपालिका द्धारा बर्दघाट ४ का बाढि प्रभावितलाई दैनिक खाना खुवाईदै

0 23

रामु भुसाल
बर्दघाट,असार–१७
गत मंगलबार राती आएको अबिरल बर्षका कारण बर्दघाट नगरपालिकाका केही क्षेत्र सहित नवलपरासीका विभिन्न स्थान हरुमा डुवान भएको छ । बर्षका कारण आएको बाढी बस्ती भित्र पस्दा सयौँ घर परिवार प्रभावित भएका छन् ।
बर्दघाट नगरपालिकाको वार्ड नं। ४ स्थित विषयघोला मा रातीको समयमा उच्च बाढि आउदा बर्दघाट ४ को स्मृति नगरको मुसहर बस्ती मा सयौँ घर प्रभावित भएको र केही घरहरु क्षती भएका छन् । प्रभावित परिवारलाई राती नै सुरक्षित स्थानमा लगिएको थियो । बर्दघाट ४ स्थित शिव स्मृति टोल विकास संस्थाको नेतृत्व र बर्दघाट नगरपालिकाको आर्थिक सहयोगमा बुधबार बिहान देखी सो प्रभावित स्थानका ५५ घर परिवारका १५० बढिलाई बाढिपिडित स्थित उत्पत्तेश्वर शिवालय मन्दिर प्राङगणमा दैनिक खाना नास्ताको व्यवस्था गरिएको टोल विकास संस्थाका अध्यक्ष रमेश ज्ञवाली ले जानकारी दिनुभयो ।
बुधबार नै प्रभावित स्थानमा गई नेपाल रेडक्रस सोसाईटी बर्दघाट शाखाको सहयोगमा प्रभावितलाई २३ थान कम्बल बितरण गरिएको सोसाईटीका शाखा अध्यक्ष नारायण अधिकारीले जानकारी दिनु भयो । सो प्रभावितहरुलाई खानाको सम्पुर्ण व्यवस्था नगरपालिकाले गरेको र विभिन्न संघ संस्थाको सहकार्यमा प्रभावितहरुलाई दैनिक खाना खुवाउदै आएको चौतारी युवा प्रतिष्ठानका सल्लाहकार जनक रावलले जानकारी दिनुभएको छ ।
क्षती ग्रस्त ५५ घर मध्ये २७ घर पुर्ण क्षती भएको र घर मर्मत नहुदाँ सम्मका लागी उधोग वाणिज्य संघको सभाहल बाढि पिडित र मन्दिरको सभाहलमा प्रभावितहरुलाई सुत्ने व्यवस्था मिलाईएको टोल विकास संस्थाका अध्यक्ष ज्ञवालीले जानकारी दिनु भएको छ ।
रातीको समयमा अचानक आएको बाढिले बिषयघोलाको डिल भत्काई बस्ती भित्र बाढि पसेको हुदाँ सो डिल तत्काल तटबन्धन गरी र अन्य पानी बग्न अवरोध हुने स्थानको तत्काल निकास निकाली समस्याको समाधान गर्न स्थानिय सरकार संग स्थानियले माग समेत गरेका छन् ।

 

Leave A Reply

Your email address will not be published.