कृष्ण ढकाल
बर्दघाट,भदौ—१३
नेपाल रेडक्रस सोसाइटी बर्दघाट उपशाखाले दुई दिने प्राथमिक उपचार तालिम शरु गरेको छ। तालिमको उद्घाटन कार्यक्रममा बोल्दै नेपाल रेडक्रस सोसाईटीका नवलपरासी जिल्ला उपाध्यक्ष कृष्ण लामिछानेले समाज सेवाका लागि पहिलो खुड्किलो भनेकै जुरेस रहेको बताउनु भएको थियो । अहिले जतीपनि समाज सेवी र जनप्रतिनिधिहरु हुनुभएका ब्यक्तिहरु प्राय जुरेसवाट आएका ब्यक्तिहरु रहेको ले बिद्यार्थीहरुलाई सामाजिक सेवाको भावना जागृत गर्न जुरेशले ठूलो मद्दत पुर्याउने बताउनु भएको थियो ।
बर्दघाट नगरपालिकाको वडा नं. ४ मा रहेको न्यू लाईफ मा.बि.को सभाहलमा सञ्चालीत दुई दिने प्राथमिक उपचार तालिमको उद्घाटन कार्यक्रम नेपाल रेडक्रस सोसाइटी बर्दघाट उपशाखाका सभापति नारायण अधिकारीको अध्यक्षता र जिल्ला उपाध्यक्ष कृष्ण लामिछानेको प्रमुख आतिथ्यतामा सम्पन्न भएको थियो ।
बर्दघाट उपशाखाका उपसभापति बुद्धिमाया पौडेलको स्वागत मन्तब्य धनञ्जय पौडेलको सञ्चालन रहेको कार्यक्रममा जिल्ला सदस्य दिर्घ घिमिरे ,जुरेश संयोजक डी।बी। अधिकारी,न्युलाईफ मा.बि.का प्र.अ. सन्तोष अधिकारी,सरस्वती पौडेल, राधा ढकाल लगाएतको उपस्थिती रहेको थियो ।
तालिमको उद्देश्य र महत्त्वबारे प्रकाश पार्दै बर्दघाट उपशाखाका सभापति नारायण अधिकारी नेपाल रेडक्रस सोसाइटी बर्दघाट उपशाखाले अहिले सम्म आफ्नो शाखा माताहतमा रहेर १५ वटा जुरेश गठन गरिएको बताउनु भयो ।
तालिममा उपशाखा भित्रका विभिन्न १० वटा विद्यालयका ३० जना बिद्यार्थीहरु संगै शिक्ष्ँकहरु समेत सहभागी रहेको सभापति अधिकारीको भनाई रहेको छ।
सभापति अधिकारीले प्राथमिक उपचार तालिमले विद्यार्थी तथा स्थानीयलाई आपत्कालीन अवस्थामा तुरुन्त उपचार दिने सीप विकास हुने बताउँदै आगामी दिनमा पनि निरन्तर यस्ता कार्यक्रम गर्दै जाने बताउनु भयो ।
दुई दिने प्राथमिक उपचार तालिममा प्राराविधिक शिक्षक घनश्याम यादव र बसन्त रेग्मीले सहजीकरण गर्नु भएको छ । तालिमलाई अन्तरक्रियात्मक व्याख्यान गर्ने देखि प्राथमिक उपचार प्रदर्शन गर्ने गरी प्रयोगात्मक अभ्यास सहित तालिम सञ्चालन गरीने सहजकर्ता बसन्त रेग्मीले बताउनु भएको छ ।
प्रश्नोत्तर र कृत्रिम घटनाका अभ्यास मार्फत सञ्चालन गरिने तालिमबाट सहभागीहरूले प्राथमिक उपचारसम्बन्धी आधारभूत ज्ञान, सीप र दक्षता हासिल गरेर्नेमा आफुहरु विश्वस्त रहेको अर्काे सहजकर्ता घनश्याम यादवले बताउनु भएको छ ।