Jilla Ban Notis

जेष्ठ नागरीक तथा अपाङ्गसँग अध्यक्ष स्वास्थ्य सेवा कार्यक्रम शुरु

0 24

कृष्ण ढकाल
प्रतापपुर,चैत्र–२१
पश्चिम नवलपरासीको प्रतापपुर गाउँपालिकाले जेष्ठ नागरीक तथा अपाङ्गसँग अध्यक्ष स्वास्थ्य सेवा कार्यक्रम शुरु गरेको छ। ९ वटै वडाका स्वास्थ्यकर्मीहरुलाई कार्यक्रमको उद्धेश्य अनुरुप सेवा प्रवाह गर्न निर्देशनगर्दै पालिका अध्यक्ष उमेश चन्द्र यादवले आज एक कार्यक्रमका विच स्वास्थ्य सामाग्रीहरु सहितको झोला हस्तान्त्रण गर्नु भएको थियो ।

जेष्ठ नागरीक तथा अपाङ्गसँग अध्यक्ष स्वास्थ्य सेवा कार्यक्रम संचालन गर्नका लागि गाउँकार्यपालिकाले पौष ४ गते कार्यक्रम कार्यान्वयन निर्देशिका–२०८० पारित गरे पछि त्यसको सम्पूर्ण तयारी गरी आज देखि सेवा प्रवाहमा गर्नलागिएको पालिका अध्यक्ष यादवको भनाई रहेको छ ।
८० बर्ष माथिका ४ सय १२ जना जेष्ठ नागरीक र ८ सय २५ जना अपाङ्गहरु गरी १ हजार २ सय ७३ जनाबाट सेवा शुरु गर्न लागिएको प्रतापपुर गाउँपालिका स्वास्थ्य शाखा प्रमुख मन्तोष कुमार मुरावले बताउनु भएको छ ।
जेष्ठ नागरीक तथा अपाङ्गहरुका घर घरमा नै पुगेर तोकिएको फारम भरी बर्षमा ३ पटक स्वास्थ्य चेकजाँच गर्ने गरी लागु गरीएको जेष्ठ नागरीक तथा अपाङ्गसँग अध्यक्ष स्वास्थ्य सेवा कार्यक्रमका लागि यस बर्ष ४ लख रकम विनियोजन गरीएको पालिका अध्यक्ष यादबले बताउनु भएको छ ।

प्रेसर,सुगर,ब्लड चेकजाँच,पाचनप्रणाली चेकजाँच, घाउँहरुको ड्रेसीङ्ग,ज्वरो,खोकी, लगाएतका १३ बढी रोगहरुको प्राथामिक उपचारका लागि जाने स्वास्थ्इकर्मीहरुका लागी पनि पालिकाले छुट्टै रकम दिने ब्यवस्था गरेको प्रतापपुर गाउँपालिकाकी उपाध्यक्ष मानकुमारी चौधरीले जानकारी गराउनु भएको छ ।

फरक प्रसंगमा प्रतापपुर गाउँपालिकाका अध्यक्ष यादवले नेपाल सरकारले ल्याएको एक पालिका एक अस्पतालको निति स्थानिय सरकारहरुलाई फलामको चिउरा भएको बताउनु भएको छ । उहाँले १५ शैयाको नगर अस्पतालहरु सञ्चालनको जिम्मा स्थानिय सरकारलाई दिने निर्णय प्रति एक पटक संघिय सरकारले पुर्नविचार गर्नु पर्ने बताउनु भएको छ । पालिकाहरुको कुल बजेट भन्दा बढी बजेट नगर अस्पताल सञ्चालनमा लाग्ने उहाँको तर्क थियो ।
कर्मचारी ब्यवस्थापनको लागत र अस्पतालमा उपचार गर्न आउने सेवाग्राहीहरुको संख्याको अनुपात नमिल्ने भएकाले पालिकैपिक्षे अस्पतालै अस्पतालहरुको भिड नबनाउन संघिय सरकारलाई आग्रह गर्नु भएको थियो ।

Leave A Reply

Your email address will not be published.