काठमाडौं,कार्तिक–२१
नवलपरासीको पाल्हीनन्दन गाउँपालिका–२ का ४० वर्षीय व्यास गुप्ता स्रोत नखुलेको नगद ४० लाख रुपैयाँसहित पक्राउ परेका छन् । चन्द्रागिरी नगरपालिका–२, नागढुङ्गाबाट उनलाई शुक्रबार बिहान महानगरीय प्रहरी प्रभाग, नागढुंगाको टोलीले पक्राउ गरेको हो ।
बुटवलबाट काठमाडौं आउँदै गरेको लु १ ख ८६५२ नम्बरको यात्रुबाहक चेकजाँच गर्ने क्रममा गुप्ताको साथमा रहेको झोला र कम्मरपेटीमा लुकाइ राखेको १ हजार दरका ४ हजार वटा नोट फेला परेको हो । थप अनुसन्धान भइरहेको नागढुंगाका प्रहरी निरीक्षक हेमन्तविक्रम थापाले बताए । @अन्नपूर्ण अनलाईन