Jado Notish Bardaghat

बर्दघाट नगरपालिकामा कर्मचारी भर्ना प्रक्रिया प्रति अक्तियारको चाँसो

0 135

नारायण भण्डारी
बर्दघाट,माघ–२५
बर्दघाट नगरपालिकाका नगर प्रमुखको सचिवालय संयोजक शरद पौडेल सहित १२ जनाको नियुक्ति प्रक्रिया प्रति अख्तियार दुरुपयोग अनुसन्धान आयोगले चांसो राखेको छ ।
नगर प्रमुख शम्भुलाल श्रेष्ठको सचिवालयका संयोजक पौडेल सहित १२ जना दैनिक ज्यालादारीका कर्मचारी प्रति अख्तियारको नजर परेको हो । पौडेलले शाखा अधिकृतको बराबर तलब लिदै आएको स्रोतको दाबी छ ।
नगरपालिकालाई कर्मचारी राख्दा दरबन्दी सिर्जना नगरी राजनैतिक भागवण्डाका आधारमा आफुखुसी राखिने गरेको आरोप लाग्ने गरेको छ । अख्तियारले कर्मचारीहरु कुन प्रक्रियाबाट राखिएको हो ? राख्न मिल्ने वा नमिल्ने के हो ? सो सम्बन्धमा जवाफ मागेको हो । अख्तियारको अनुसन्धानको क्रममा प्रक्रिया पुरा नगरी कर्मचारी राखिएको ठहर भए ती कर्मचारीहरुले हाल सम्म खाईपाई आएको पारिश्रमिक बापतको रकम बेरुजु कायम हुनेछ ।
अख्तियारको पत्रको बारेमा प्रमुख प्रशासकीय अधिकृत कृष्ण प्रसाद सापकोटासंग जिज्ञासा राख्दां नगरपालिकामा संगठन ब्यबस्थापन (ओ एन एम ) तयार नभएका कारण अफ्ठेरो भएको प्रतिक्रिया दिनुभयो । ओ.एन. एम.ले नगरपालिकामा कुन कुन शाखा, कति कर्मचारी आवश्यक हो भन्ने यकिन गर्दछ । हाल सम्म बर्दघाट नगरपालिकामा ओ. एन. एम. तयार गरिएको छैन् ।

चालु बर्षमा बर्दघाट नगरपालिकाको अख्तियारमा १६ वटा उजुरी रहेको छ ।

Leave A Reply

Your email address will not be published.