शिव स्मृति टोलमा महिला सामुदायिक भवन समुद्घाटन ।

कृष्ण ढकाल
बर्दघाट,चैत्र–१३
बर्दघाट ४ बाडीपिडितको शिव स्मृति टोलमा निमार्ण भएको महिला सामुदायिक भवनको शनिवार एक कार्यक्रमका विच समुद्घाटन भएको छ । भवनको बर्दघाट नगर प्रमुख धिरज शर्मा बस्यालले समुद्घाटन गर्नु भएको थियो ।

भवनको समुद्घाटन गर्दै नगर प्रमुख बस्यालले सरकारका कारण अब्यवस्थित वसोवासीहरुलाई पुर्जा वितरण गर्न नसकिएको बताउनु भएको थियो । त्यसैगरी नागरीकताका विषयमा पनि शिव स्मृति टोलका केहि ब्यीक्तको समस्या रहेको बताउदै आगामी दिनमा समस्याको समाधान गर्ने बताउनु भएको थियो ।

त्यसैगरी वडाध्यक्ष रविन्द्र विक्रम हमालले शिव स्मृति टोलमामा पहिले बाढीको समस्याले सताएको स्मरण गर्दे अहिले बाधको काम भएकाले आगामि वर्षामा समस्या नहुने बताउनु भएको थियो । त्यसैगरी पहिले हिलोका कारण गम्बुट लगाएर हिड्ने सडक अहिले ग्राबिल भएको र अबका दिनमा कालोपत्रे गर्ने तर्फ आफ्नो ध्यान केन्द्रित रहेको बताउनु भएको थियो ।

सामुदायिक महिला भवन निमार्ण उपभोक्ता समितिकी अध्यक्ष बिजु खाँणको अध्यक्षता र नगर प्रमुख बस्यालको प्रमुख आतिथ्यता र उपभोक्ता समितिकी सचिव सिता भण्डारीको संचालनमा कार्यक्रम सम्पन्न् भएको थियो ।
तराई मद्येश समृद्धि कार्यक्रमबाट निमार्ण गरीएको उक्त भवन २६ लाख ३४ हजार रुपैयाको लागतमा निमार्ण सम्पन्न् भएको समुद्घाटन कार्यक्रममा जानकारी गराईएको थियो ।