बर्दघाटमा ६० जना रक्तदाताले रक्तदान गरे

कृष्ण ढकाल
बर्दघाट,भदौ–५
नवलपरासी फोटोग्राफर संघले आफ्नो ५ औं बर्षिकोत्षबको अवसरमा रक्तदान कार्यक्रम सम्पन्न गरेको छ ।
बर्दघाटमा आयोजना गरिएको उक्त रक्तदान कार्यक्रममा ६० जना रक्तदाताले रक्तदान गरेको फोटोग्राफर संघका महासचिव शिव भण्डारीले जानकारी गराउनु भएको छ ।
रक्तदान गर्नेमा ५२ जना पुरुष र ८ जना महिला रहेका छन । रक्तदान कार्यक्रममा नेपाल रेडक्रश सोसाइटी जिल्ला शाखा नवलपरासी को प्राविधिक सहयोग रहेको थियो ।

नवलपरासी फोटोग्राफर संघका जिल्ला अध्यक्ष प्रेम प्रसाद गौतमको अध्यक्षता ,संघका केन्द्रिय अध्यक्ष महेन्द्र उपाध्यायको प्रमुख आतिथ्यता र टेक राज भट्टराई ( राज)को संयोजकत्वमा कार्यक्रम सम्पन्न भएको थियो भने कार्यक्रमको सञ्चालन जिल्लाका महासचिव शिव भण्डारीले गर्नु भएको थियो ।